Росгвардиялун 10 шин шаврин, мукунма низам ва ихтиярду дуруччайсса аьрал сакин хьуну 215 шин шаврин хасну щалагу Аьрасатнаву нанисса «Дни Росгвардии» тIисса ведомствалул акциялул лагрулий Дагъусттаннал Росгвардиялул управлениялул вневедомственный къаралданул подразделениярттаву хьунни тематикалул мероприятияртту.
Дарбантлив, Къизилюртлив ва Хасавюртлив Росгвардиялул зузалтрал Чувшиврул дарсру дирхьунни профильданул классирттал дуклаки оьрчIахь. Къизлардай профильданул классирттал дуклаки оьрчIащал вай гьуртту хьунни шагьрулул Жагьилтурал культуралул центрданийсса байрандалул мероприятиярттай. Хасавюртлив Росгвардиялул зузалт бувкIунни Балугъравун къабивминнансса реабилитациялул центрданийн. Буллунни центрданул оьрчIан нацIу-кьацIу ва канцеляриялул кьай дусса кьуцуртту.
Му бакъассагу, вайннал барча унни къуллугърал 10 шинал ва оьрмулул 80 шинал юбилейрдащал Росгвардиялул ветеран Зайботтин Оьмаров. БувкIунни къуллугърал бурж бартбигьлай жан дуллусса полициялул сержант ХIусайн Маккашариповлул кулпатрачIан.
Акиялул лагрулий Росгвардиялул зузалтрал ларчIунни байрандалул логотипру цалва ва къуллугърал машинарттай.