Новость на родном
Передовая

Щазал аьпалунсса ирглийсса фестиваль

Июльданул 19-нний Лакрал райондалий ГьунчIукьатIрал шяраву хьунни аьдатравун дагьсса лакрал балайлул байран – Ккурккуллал Щазал аьпалунсса фестиваль. [dropcap]В[/dropcap]а сакин дурну дия Дагъусттан Республикалул Культуралул министерствалул, Республикалул Халкьуннал творчествалул къатлул, Лакрал райондалул администрациялул, райондалул Культуралул, жагьилтурал политикалул, спортрал, туризмалул центрданул ва ЦБС-рал. ГьунчIукьатIрал шяраваллил цIу буккан бувсса Культуралул къатлул сахIналийн ва кьини бавтIун бия Лакрал, Ккуллал...

Новость на родном

Жяматращал – аьралий къуллугърая

ГьунчIукьатIув, шяраваллил Культуралул къатлуву, Лакрал райондалул бакIчи Юсуп МахIаммадов хьунаавкьунни шяраваллил жяматращал. Ва ххуллухьсса батIаврил агьаммур тема дия контрактрайнусса аьралий къуллугъралмур. Хьунабакьаврий мукунма гьуртту хьуна райондалул бакIчинал хъиривчув Явсупи ХIамзаев, Лакрал ва Ккуллал районнал аьралий коми­ссар ХIасан Массуев, КСП-рал председатель Макьсуд Макьсудов, ЧС ГО-рал начальник Надир ХIасанов, шяраваллал жяматирттащалсса даврил уполномоченный АбутIалиб Маммаев, ГьунчIукьатIрал шяраваллил...

Новость на родном

Бакьин буллай бур ххуллурду

Июльданул 18-нний ЦIуссалакрал райондалул бакIчи МаматIи ХIамзатовлул ирглийсса даврил аьрххи хьунни Гьамиящиял шяравунсса. Шикку ванал ххал бунни бакьин буллалисса ххуллу. Ва шяраву асфальт бувтIуну бур 600 метралул манзилданийхсса ххуллийх. Ххуллурду бакьин бансса арцу итадаркьуну дур ДР-лул ва муниципал образованиялул бюджетирттава. МаматIи Бижаевичлул ххал бивгьунни асфальт бувтIусса куц, цIухху-бусу бунни шяраваллил жяматрахь, кIицI ларгунни ва давриву...

Новость на родном

ТIюхчардал шяраву

ЦIуссалакрал райондалий «Мой Дагестан – мои дороги» тIисса проектрал лагрулий чялишну най дур ххуллурду бакьин буллалисса ва асфальт бутIлатIисса давуртту. Проектрал лагрулий асфальт бутIин най бур райондалул цаппара щархъавусса 19 кIичIиравун. Вай гьантрай асфальт був­тIуну къуртал бунни ТIюх­чардал шяравусса ххуллурдайн: асфальт бувтIунни 640 метралул лахъишиврий. Подрядчиктуран вай давуртту дан итадаркьуну дур 3,5 миллион арцул.

Новость на родном

Ххувшаврищал зана хьуннав

Ккуллал райондалул хъунама Шамил Рамазанов вай гьантрай хьунаавкьунни СВО-рай гьуртту хъанахъисса, кутIасса отпускалий буттал шяравун иян увкIсса, КIилчинмур ЦIувкIуллал шяравасса Нураттин Рамазановлущал. Шамил Рамазановлул кIицI лавгунни Украиннаву Аьрасатнал мурадру буручлай кьянкьану бавцIусса вирттаврал хIурмат мудангу бикIантIишиву, ппухълуннал фашизмалуцIа билаят марцI буккан бувсса кунма, уттизаманнул никиралгу нацизм ххартI дувантIишиву мархлуцIакул, ва ххуллий Ккуллал райондалиясса тамансса чиваркIгу...

Новость на родном

МухIаррам мубараксса барзри

МухIаррам барз бусурманнал календарьданийн бувну 12 зурул хьхьичIмурди. Гьашину мухIаррам зурул цалчинмур кьини хъанай дур июльданул 19-мур кьини. Аль-Бухари ва Муслим имамтурал луттирдаву бур укунсса хIадис: «Шинаву буссар 12 барз, миннувасса 4 зуруву дяъви буван къабучIиссар, миннувагу 3 куннил хъирив кув най бу­ссар: зуль-Кьаада, зуль-ХIижжа, МухIаррам ва ялагу барачатсса Раджаб». МухIаррам лавайсса хIур­матран лайкьсса барз бушиву...

Новость на родном

Щар дурккун дия Нураттин хьунаакьин

Ларгсса нюжмаркьини КIил­­чинмур ЦIувкIуллал шяраву хъуннасса шадлугъ дия, щалва жямат бувккун бия хушрай Украиннавусса аьралий иширттаву гьуртту хьун лавгсса, кутIасса отпускалий буттал шяравун ивсса, Рамазаннул арс Рамазанов Нураттин хьунаакьин. Ванал СВО-рай дачIи шин хьуну дур, Каспийскаллал флотилиялул хьхьирил пехоталущал кьутIигу цIакь дурну, лавгун ур Ватандалул мурадру буруччин. Къуллугъ буллай ур Запорожуллал чулий. Нураттиннул бувсунни игьалаган...

Новость на родном

Лаккучувнал ххассал унни шама хIаписар

Вай махъсса гьантрай соцсетирдаву яла ппив хьумур, яла ххал дуллалимур видео духьунссия хасъсса аьралий операция нанисса кIанттурдаясса: щавурду дирну, оьттувун ахьлавгсса лаккуоьрчIал, захIматсса тагьарданий унува, руль хIура буккан къабивтун, мукунма щавурду дирсса хIаписартал медчастьрайн бувцуну нанисса, медчастьрай командирнал хъиривчув, мунан наградагу дуллай, барчаллагь тIисса. Видеолий полкрал командирнал хъиривчув Олег Панчурин буслай ур, лаккучув къаивкIссания, цив...

Новость на родном

UFC-лул чемпионтал Ккуллал зунттаву

UFC-лул чемпионтал ХIабиб НурмахIаммадов ва Ислам МахIачев ларгсса алхIаткьини бувкIунни Лаккуйн. Вайннайн Ккуллал зунттавун сайрданий оьвкуну бия Ислам МахIачевлул менеджер Ризван МахIаммадовлул. Нани ххуллий ХIабиб ва Ислам Гъумук бавцIуну бия, Хъун мизитраву чакгу бувну, лавгун бия Ккуллал райондалийн. Ккулату вертолетрай лавгун бия Ккуллал ва Хъусращиял мащайн. «Кули» экстрим-паркрал каялувчи ХIасан Аьлиевлул бусаврийн бувну, ХIабиблущал ва...

Новость на родном
Передовая

«РахIатсса оьрму ппухълуннал миналийри бусса»

Ларгсса нюжмаркьини Ла­ккуйнсса аьрххилий ттун хьунабавкьунни 1944 шинал Лак­­рал райондалия бизан був­сса наслулул шамилчинсса, мукьилчинсса никирал арсру ва душру, цала буттахъал Ватандалийн, зунттавусса ТIюхчардал шяравун бувкIун. 1944 шинал Лакрал райондалия ЦIусса миналийн бизан буллалисса ТIюхчарав ду­ссия тIюваллал аьдад – 72, инсантурал – 281. Вай бия щаллу-ккурккисса кулпатирттащал, къушругу бивщуну, цIу-пуркIугу бивчуну, цуппа-ца пукьа къаливчIсса бу­ттахъал...

Свежий номер

№11 Илчи 2026