Октябрьданул 29-нний ДР-лул ХIукуматрал къатраву парламентрал спикер Заур Аскандаровлул председательшиврий хьунни Халкьуннал Мажлисрал 37-мур сессия. Ххал бивгьунни сайки 20 масъала. Миннувух бия мировой судиятал битаврил, Жагьилтурал парламентрал давурттал хIисав-китав даврил ва цIусса состав цIакь баврил масъалартту. Заур Аскандаровлул республикалул жагьилтурал ишир­ттал министр Камил Саэдовлун маслихIат бунни жагьилтурал центрду тIитIайни 12- 14 шинну хьусса оьрчI-бакIуннан социализациялунсса...

Октябрьданул 28-нний Дагъусттаннал бакIчи Сергей Меликовлул дурунни агьали чIявуну бавтIсса кIанттурдай мюхчаншиву дуруччаврил хIакъиравусса батIаву, хаснура транспортрал инфраструктуралул объектирдай. Ихтилат бия чIявусса инсантал салкьи хьусса кIанттурдай, стратегиялул чулуха агьамшиву ду­сса объектирдачIа, ххуллурдачIа ва транспортрал ххуллурду хIала бувхсса кIанттурдай видеоконтроль сакин баврил хIакъираву. Сергей Меликовлул тIимуний­ну, цIанасса ппурттуву жяматийсса мюхчаншиву дуруччаврил даража лахъ баву ва аьдлу-низам...

Октябрь зурул 19-нний Москавлив Миллатирттал къатлуву хьунни «Инновационный потенциал молодых врачей и их роль в реализации государственной программы развития здравоохранения» тIисса Москавлив ва Москавуллал областьрай зузи­сса Дагъусттаннаясса жагьилсса хIакинтурал форум. Ванил сакиншинначи хьунни Москавуллал Культуралул центр «Дагестан». Мероприятие тIитIлай, хIакинтал барча бунни «Дагестан» МЦК-лул президент, профессор, аьралий элмурдал академик Арсен ХIусайновлул. Форумрай гьуртту хьунни спикертал,...

Вай гьантрай Ккуллал райондалийсса ЧIяйннал шяраву хьусса ирглийсса батIаву дия Буттахъал кьинилун хас дурсса. Мероприятиялул сиптачи хьунни Магьирлугърал къатлул хъунмур СалихIат Алхасова. Шикку гьуртту хьунни ЧIяйннал школалул дуклаки оьрчIру. Райондалул «Чанна цIуку» кказитрал корреспондент Арсен Аьбдуллаевлул балжину бувсунни байрандалул тарихрая ва кIицI лавгунни мероприятие даврил мурад, ялун нанисса ник нитти-буттал хIурмат-кьимат буну тарбия баву хъанахъишиву....

Награда ларсун дур Аьрасатнал Вирттаврал 20 буттал, премиялул лауреатътал хьуну бур билаятрал личIи-личIисса регионнаясса 11 ппу. Вайннавух бур хасъсса аьралий операциялул вирттаврал, Донбассрай ва дазуцIухсса регионнай волонтёрталну зузиминнал ппухълу. «Барчаллагь тIий буру хIакь­сса вирттал, ватан дуруччулт тарбия бувминнахь! Гьарца медальданул махъ буссар кулпатрал тарих. Вай кулпатругу ккаллиссар жула билаятрал багьа бакъасса ххазналун. Вирттаврал цIа ларгсса...

«Единая Россиялул» жяматрал кабакьаврил штабравугу кIицI ларгунни Буттал кьини. Ва мероприятие дурну дия Штабращал уртакьну зузисса Дагъусттаннал буттахъал союзращал ва «Гуж цашиврувур» ДРОО-лущал архIал. Ваний гьуртту хьунни Халкьуннал мажлисрал депутат Даитбаг Сайпов, Дагъусттаннал Хъаннил союзрал хъунмур Интизар Мамутаева, ОьрчIал ихтиярдалсса буллалисса уполномоченный Марина Ежова, Аьрасатнал Виричу НурмахIаммад ХIажимахIаммадовлул нину Сапижат Мазаева. БавтIцири видеолийну барча бунни...

Аьрасатнал Украиннал аьрщарай хасъсса аьралий операция баян бувсса чIумал, 2022-ку шинал, хушрай дачIи шинайсса контрактгу чирчуну, билаятрал мурадру буруччин лавгуна Бархъаратусса МахIаммадлул арс, 36 шинавусса Жамалуттин Амирханов. Контрактрал чIун ларгун, зана хьуну махъ, аьралитуран гуманитар кумаг буллай, хьхьичI ххуттай бавцIуну талатиминнал къучагъшивурттая чичлай ур тIий бавну, жу оьвкуссия Жамалуттиннуйн редакциялийн хъамалу. – Жамалуттин, байбихьулий кутIану...