Правовой академиялул студентка, ЦIуссалакрал райондалиясса Марина Ма­хIаммадова гьуртту хьунни Щалагу Аьрасатнал даражалийсса юридий олимпиадалий. Олимпиадалул цалчинмур тур хьуссар Пятигорск шагьрулий. Шикку чIявусса гьурттучитурал дянив най бивкIсса бяст-ччаллаву «Информационное право» тIисса номинациялий шамилчинсса кIану бувгьунни Маринал. Олимпиадалул хъиривмур тур хьуссар Москавлив Ломоносовлул цIанийсса МГУ-луву. Ва дия Аьрасатнал билаятраясса 100-хъул вузирдавасса студентътал гьуртту хъанахъисса, хьхьичIмурнияр цимивагу даражалул...

ЦIуссалакрал райондалий гьанттайнмайгу зий бур дялахърулул майданну. ОьрчIру бигьалагансса ва бялахъансса мероприятие хьунни уттигъанну ЦIуссалакрал шяравусса паркраву. Ва сакин дурну дия райондалул Культуралул управлениялул. Программа дачин дурну бия Гулизар Сайпуллаева. ОьрчIру бялахъан баву мурадрай шикку сакин дурна авадансса спортрал программа, бувна интерактивный тIуркIурду. ЦIуссалакрал шяраваллил Культуралул къатлул директор, СВО-лул гьурттучи Башарат МухIадовал бувна оьрчIащал личIи-личIисса...

– Июнь зурул 23-нний МахIачкъалалив ва Дарбантлив дурсса терактрал кьурчIишиву – ва жула цинявннал аьмсса кьурчIишивур. Жунма кIулли жула Ватангу, къучагъсса жула жагьилталгу цанма цивппалу, НАТО-лийн ва миннал биялдарайсса хIукуматирттайн данди бавцIуну, хьхьичIунмай най, душман бат уллай бушиву. Душмантал ссаякIуй махъаллил хъанай бакъар. Чапал­сса кьяйдардайну, лавмартсса иширттайну динналгу, миллатиртталгу дянив дирчуну, жула билаятрай гъургъаза дансса...

ЦIуссалакрал райондалий хьунни «Работа России. Время возможностей» цIанилусса Щалагу Аьрасатнал вакансиярттал ярмаркалул кIилчинсса ятап. Агьали давурттал дузал баврил ярмаркалул гьантрай ЦIуссалакрал райондалул агьали давурттал щаллу баврил центр Культуралул управлениялул зузалтращал архIал кьамул буллай бия даврий бацIан ччисса ягу пиша баххана бансса мурадрай кIулшивуртту ласун ччисса агьали. Ярмаркалул лагрулий личIи-личIисса журалул инсантуран, агьали давурттал дузал бан...

ЦIуссалакрал райондалул бакIчи МаматIи ХIамзатовлул барча бунни райондалул жагьи-жугьул Жагьилтурал кьинилущал. – Жагьилшиврул чIярусса ххуй-ххуйсса хасиятру дур. Авур­шиву, цIакь, кьудрат, гьавас. Вай хасиятру хъиннура аьркинну дикIай инсаннал хьхьичI тIивтIусса азарвахъул ххуллурдава ца, цуппагу тIайламур, язи бугьан аьркинсса чIумал. Шиная шинайн жула жагьилтурал агьамсса кIану бугьлай бур райондалул оьрмулуву. Жула жагьилтал бур цала граждан позиция бусса,...

Вай гьантрай Гъаза Гъазаев аьпалул хьуну мукьцIал лавхъунни. ЧIалай бур, оьрму цан­ма-цанмасса буллуну бикIайши­ву. ХьхьичIава би­кIайва Аллагьнал буллумунийн аьсив хьун къабучIиссар тIий. Ттизаманнай ца зат бур, кулпатран кьамулсса, циняв Аллагьнайн леххаву тIисса – кулпатрава хьхьичI ппу, лас ласи тIисса. Ванил мяъна – хьхьичIава халкь цахунма цивппа багьсса заманнай кулпатрал ттарцI ивкIун ур адамина. Ттизаманнай, кулпат...

ТIалхIатлул душ Зулпа Кьурбанова Июнь зурул 24-нний аьпалул хьунни ххаллилсса хъамитайпа, ТIалхIатлул душ Зулпа Кьурбанова. Зулпа бувну бур 1962 шинал ЦIийшиял шяраву. Медучилищагу къуртал бувну, фельдшернал пишагу лавхьхьуну, 40-хъул шиннардий зий бивкIун бур СунбатIуллал шяраваллил ФАП-рал хъунмурну. Зулпа бия цила даву ххуйну кIулсса, жяматран бакъа чара бакъасса инсан. Хъуннасса хъар лархъссар ванил ковид­рал чIумал. Цаягу...

«ЦIувкIул» тIисса цуппа му ца мукъуву Дуссар ва дунъяллул караматшиву Сибирбаг Кьасумов, Дагъусттаннал халкьуннал шаэр Дурусну ххюцIалла шинал хьхьичI, 1974 шинал, Цалчинмур ЦIувкIуллал шяраваллил школа къуртал бувсса агьлу вай гьантрай билаятрал личIи-личIисса шагьрурдая бувкIун бия ЦIувкIрав, архIал дуклай бивкIминнащалсса, учительтуращалсса, шяраваллил жяматращалсса хьунабакьаврийн. Ва ЦIувкIуллал школалул 6-мур выпускри – 26 инсан. Шиккува бувчIин буван, 1966-кусса...