ЦIуссалакрал райондалул кIулшивуртту дулаврил идарарттай хьунни Буттахъал кьинилун хас дурсса мероприятияртту ва классный часру. Буттахъал кьини махъсса шиннардий нирхиравун дагьсса ва сийлийсса жагьилсса байрандалун ккаллину дур. Ва кьини жухьра ххишаласса сант дур буттахъахь нахIу-хIалимсса махъру бусан, вайннал дакIру ххари дансса давуртту дан.
Байрандалул агьаммур мурадгу кулпатирттал гьанурду цIакь баву, ирсирай нанисса кьиматрай думунил хIурмат баву, тарбиялул давриву нитти-буттал буллалисса захIмат бусраврай бушиву исват баву хъанахъиссар.
Буттахъал байрандалул кьини дакIнин бичинну оьрчIру ччаннай бацIан буллай бувсса захIмат, кулпатраву хъанахъисса чIявусса иширттаву ссавурданий чIарав бавцIусса ва цаймигу дакIний ливчIусса тIааьнсса ишру.
Дуклаки оьрчIал барча бунни цала буттахъул байрандалущал, увкунни миннан хас бувсса балайрду, пишкаш дунни суратру ва открыткартту.
Имара Саидова
