Гьашину 85 шинал юбилей кIицI ларгунни шаэр, прозаик, драматург, ДР-лул культуралул лайкь хьусса зузала, Дагъус­ттаннал халкьуннал чичу Мирза Щамхалович Давыдовлул. Юбилей цума-цанналгу оьрмулуву дурмунин кьимат бишлашисса, гихуннай дантIимунил пикрирду буллалисса чIун дур. Бусса оьр­мулий миллатрал литература хьхьичIуннай давриха зузисса шаэрная бусанссагу, учинссагу чансса бакъар. Ва базилухсса «Илчи» кказитрал хъамаличугу Мирза Давыдов ур. Увну ур шаэр...

Уттигъанну, Дагъусттаннал бакIчи Сергей Меликовлул тапшур бувну, Вишневскийл цIанийсса аьралий госпитальданийн, шикку реабилитациялийсса СВО-лул гьурттучитал ХIажимурад Ка­занбиевлучIан ва Азамат МаммаевлучIан бивунни Аьрасатнал ПрезидентначIасса Да­гъусттаннал постпредствалул зузалт ва постпредствалучIасса Жяматийсса советрал вакилтал. Вайннавух ия медициналул элмурдал доктор, Цалчинсса Москавуллал медициналул университетрал челюстно-лицевой хирургиялул кафедралул профессор, жула лаккучу Астемир Шайхаьлиевгу. Вайннал ххал дунни аьралитурал реабилитациялул шартIру, цала...

«Классные встречи» тIисса проектрал лагрулий СунбатIуллал школалул «Движение первых» тIисса суккушиндарал активистътал хьунабавкьунни экономикалул элмурдал доктор, профессор АьбдурахIманнул арс Насруллагь Адамовлущал. Ванал оьрчIахь бувсунни оьрчIнийсса шиннардия, цала карьералул ххуллийсса хьхьичIуннайшивурттая ва хIакьинусса кьини экономикалуву тIалавсса пишардая. Мукунма ванал кIицI лавгунни шяраваллил хозяйствалул аралуву тIалавсса пишарду. МиннуцIун бавхIуну бувсунни Аграр университетирттавусса личIи-личIисса давурттая. Дуклаки оьрчIал буллунни...

Ноябрьданул 15-нний 100 шин хьунтIиссия хьхьичIунсса аьлимчу, изобретатель, цIуллушиву дуруччаврил пагьму бусса сакиншинначи, хIакин-практик, хирург, травматолог-ортопед Аьбдуев Багъдан Жабраиллул арснан. Ванал бигьа бакъасса оьрмулул ххуллу цала даврийн дакI тIайлану къуллугъ баврил эбратри. Увссар ва Гъумук, 1948-ку шинал къуртал бувссар Дагъусттаннал медициналул институт, зун гьан увссар Къабардин-Балкьарнавун, тикку Терская тIисса райондалул азарханалий зий ивкIссар хирургну, яла...

АцIния кIира шинал мутталий зий ивкIун ур Ма­хIаммадхIажи Къапланов 138 тухумрал тарих батI­лай, чичлай. Ва сайки 800-нниха ливчусса инсантуращал хьунаавкьуну ур лу чичлачийни, кувний кIийл-кIийла, шам-шамийлагума. Ларгсса нюжмардий, хамискьини, Гъумучиял школалий «Гъази-Гъумучи ва вайннал тухумру» тIисса луттирал автор Идрислул арс МахIаммадхIажи Къаплановлущалсса хьунабакьаву хьунни, ва луттирал презентация хIисаврайсса. МахIачкъалалия бусравсса краеведнал, историкнал кьини хъун дуван...

Капитал ремонтрал фондрал баян буллай бур инсантуран бигьашиву дуллалисса акция. Му дикIантIиссар декабрьданул 31-ннийн бияннин. Къатрал залуннал капитал ремонтрахсса цайвасса буржру лавхъун бухьурча, миннуйн най бивкIсса пени букьан буллалиссар. Цал ттигу дакIнин бутан, капитал ремонтрахсса взносру дулун буржлувссар Капитал ремонтрал региондалул программалувун (ст.169 ч.1 ЖК РФ) дагьсса чIяру зивурду дусса къатраву цивппа заллусса квартирарду бусса...

«Дагестан» РИА-лул редакциялий хьунни социал газификациялул программалул лагрулий уква газ буцаврил хIакъиравусса масъаларттан хас дурсса пресс-конференция. Вай масъаларттая балжину бувсунни Дагъусттаннайсса Росреестрданул управлениялул каялувчинал хъиривчу Марат Абакаровлул, ДР-лийсса «Роскадастрданул» директор Апанни Дагуевлул, «Газпром газораспределение Дагестана» ООО-лул хъунама директорнал хъиривчу Расул Юнусовлул ва Догазификациялул компаниялул управлениялул каялувчи Амина Зубайруевал. Конференциялий бувсунни жула региондалий чялишну зузи дурсса...

Вай гьантрай региондалул Навтлил ва газрал колледжравун студентътуращал хьунаакьин увкIун ия Аьрасатнал ПаччахIлугърал Думалул депутат, ПаччахIлугърал Думалул комитетрал председательнал хъиривчу, Аьрасатнал Виричу МахIаммад НурбахIандовлул ппу НурбахIанд ва политикалул элмурдал доктор, жяматийсса ишккакку Загьиди МахIмудов. Хьунабакьаврий гьаз бунни пишалул кIулшивуртту ласаврил ва мунил ххуллий хьхьичIунмай шаврил масъалартту. Ихтилатру хьунни ттизаманнул вирттаврая, жагьилсса ник Ватан ххирану тарбия...