Вай гьантрай региондалул Навтлил ва газрал колледжравун студентътуращал хьунаакьин увкIун ия Аьрасатнал ПаччахIлугърал Думалул депутат, ПаччахIлугърал Думалул комитетрал председательнал хъиривчу, Аьрасатнал Виричу МахIаммад НурбахIандовлул ппу НурбахIанд ва политикалул элмурдал доктор, жяматийсса ишккакку Загьиди МахIмудов.
Хьунабакьаврий гьаз бунни пишалул кIулшивуртту ласаврил ва мунил ххуллий хьхьичIунмай шаврил масъалартту. Ихтилатру хьунни ттизаманнул вирттаврая, жагьилсса ник Ватан ххирану тарбия шаврия, жагьилминнал биялдарая ва каширдая. Хъамаллурал балжисса жавабру дуллунни студентътурал суаллахьхьун.
Ахирданий колледжрал директор Аьлишер КьурбанмахIаммадовлул буллунни НурбахIанд НурбахIандовлун Барчаллагьрал чагъар.
Депутатналгу цала чулуха ХIурматрал грамотартту дуллунни колледжрал директорнан, хьхьичIунсса зузалтран ва студентътуран. Колледжрал каялувчитуран пикри бур уттиния тихуннайгу укун мюнпатсса хьунабакьавуртту дуллан.
Андриана Аьбдуллаева
