ДакIнийхтуну барча буллай буру ноябрьданул 23-нний 65 шин хъанахъисса, шяраваллил хозяйствалул элмурдал кандидат, цIанакул Ялталий яхъанахъисса, Читтурдал шяравасса Исрапиллул душ Канцаева Умамат.
Ванил 1982-ку шинал къуртал бувссар Дагъусттаннал шяраваллил хозяйствалул институт, 2010-ку шинал тIурча – Харьковрай Политехнический институт. Яла тиккува къуртал бувссар Интеллектуал собственностьрал сянаткар шайсса университетгу. 1991-ку шинал Щалвагу союзрал элмийсса хъиривлаявуртту дуллалисса къюмайт1ут1ул ва чяхирданул «Магарач» тIисса институтраву ххаллилну дурурччуссар къюмайтIутIи ябаврил тема ахттар дуллалисса диссертация. Ванил оьрму лавгссар ахънил ва ахъулссаннул иш-тагьар ххал дигьлагьисса элмулуха къуллугърай, дуссар шанна патент, чирчуссар ацIния кIира элмийсса даву, зий буссар архIала патентирттал лицензияртту дулайсса лабораториялул хъунмурнугу.
1994-ку шинал рационализатортурал ва изобретательтурал щалвагу Украиннал конкурсрал премиялун лайкь хьуссар Умамат. Аьмну шяраваллил хозяйствалул элму гьаз давриву ва патентиртталмур даву дюхъан давриву хъунмасса бутIа бивхьусса хIакьсса зузалар. Гьунар бусса, дуллалимур кIанийн руртун дуван чялишсса, инсантурал чIарав бацIан анаварсса буссар Умамат. ХIакьинусса кьинигу Ялта шагьрулий вайра давурттал хъар ларсун зий буссар, архIал зузиминнал, элмулул уртакьтурал дянив хIурматрайгу буссар.
Жу Умамат Канцаеван чIа тIий буру цIакьсса цIуллушиву, кулпатрал, дустурал, маччанал вив лавсъсса, тирххандарал бувцIусса лахъисса оьрму. ДакI ххарину, чурх цIуллуну ялунгу чIярусса юбилейрду дуллансса оьрму!
Кулпат, дустал,
даврил уртакьтал
