ДР-лул Халкьуннал Мажлисрал председатель Заур Аскандаровлул цIусса дуккаврил шинал ссайгъатру буллунни Азирбижаннал дуклаки оьрчIан. ДР-лул парламентрал спикернал бувсунни Аьрасатнаву КIулшивурттал кьинилул хьхьичIми гьантрай шайсса бушиву «ОьрчI школалийн хIадур увара» тIисса акция, ваний чялишну гьуртту шайсса бушиву депутатътал, властьрал вакилтал, меценатътал. Заур Аскандаровлул бавтIм­иннахь барча дурна ялун нанисса цIусса дуккаврил шин. Азирбижаннай дуккаврил шин дайдишайссар сентябрьданул...

Сентябрьданул 3-нний Дагъусттаннал бакIчи Сергей Меликовлул дунни актуальсса масъаларттал хIакъиравусса батIаву. Ххал бигьлай бия властьрал органнал инсантурал лабизавурттах къулагъас даврил масъала, мукунма паччахIлугърал ва муниципал унитар предприятиярттал реформа даврицIун бавхIусса масъалартту. Сергей Меликовлул бувсунни Дагъусттаннал властьрал органнаву кадрардан хасну хьусса дахханашивурттая. Августрай ДР-лул бакIчинал ва ХIукуматрал Администрациялул каялувчинал къуллугърай цIакь увну ур МахIач Оьмаров, цIуллушиву...

Сентябрьданул 2-нний, Дагъусттаннал ХIукуматрал председатель Аьбдулмуслим Аьбдулмуслимовлул каялувшиврулу, дуклаки оьрчIал хьхьичI нузру тIиртIунни 7122 оьрчIансса 20 школалул ва оьрчIал багърал. Мероприятиялий региондалул премьернащал архIал гьуртту хьуна вице-премьертал, исполнитель властьрал органнал каялувчитал, ДР-лул Халкьуннал Мажлисрал депутатътал. Шадлугърал линейкартту хьуну махъ видеоконференцсвязьрал низамрай 15 муниципалитетрая цIусса школарду ва оьрчIал багъ хIала хьуна марафондалул трансляциялийн. ДР-лул бакIчи Сергей...

МахIачкъалалив Б. Астемировлул цIанийсса 39-мур лицейрал цIусса корпус тIивтIунни. Ва шадлугърай гьуртту хьунни экономикалул министр ХIажи Султанов, промышленностьрал ва машлул министр Низам Халилов, Дагъусттаннал парламентрал депутат ХIусман Булатов, МахIачкъалаллал Депутатътурал мажлисрал хъунама Марис Илиясов, Жяматийсса палаталул каялувчи Аьзизбаг Черкесов ва цаймигу бусравсса хъамал. ХIажи Султановлул, агьали барча буллай, учительтуран ва дуклаки оьрчIан, нитти-буттан тIайлабацIусса дуккаврил шин...

ЦIусса дуккаврил шин дайдихьулул кьини Каспийскалий 1224 дуклаки оьрчIансса цIусса гимназия тIивтIунни. 16-мур гимназия цуппагу Аьрасатнал Виричу МахIаммадаьли МахIаммаджановлул цIанийссар. Гимназия тIитIаврил шадлугърай гьуртту хьуна Дагъусттаннал ХIукуматрал хъунама Аьбдулмуслим Аьбдулмуслимов, Минстройрал хъунама Бахтияр Уллаев, Халкьуннал Мажлисрал Элмулул ва кIулшивурттал комитетрай каялувшиву дуллалисса Елена Павлюченко, Каспийскаллал администрациялул хъунаманал цалчинма хъиривчу Арсен Шарипов, школалун цIа дирзсса Виричунал...

Гьашину августрал 17-нний Рутуллал райондалийсса Дюкъуллал шяраву дунни Шяраваллил кьини. ЦIанасса ппурттуву архсса зунттавусса Шяраваллил кьинилун хасъсса шадлугъру даврил мяънагу, мурадгу хъун буллай бур, аьдатравун дагьсса байран дакъасса, буттал кIану ххирашиврул лишан хIисаврайгу. Ва кьини Дюкъуллал инсантал шяравун бувкIун бия, Шяраваллил кьини даврияр, СВО-лий гьуртту хъанахъисса жула аьралитурацIун кабакьин, дяъвилул иширттавух гьуртту хъанай бивкIминнал хIурмат...

Адыгнал хъуншагьру Майкопрай ялапар хъанахъисса дагъусттанлувтурал дянивгу, аьмну шикку ялапар хъанахъисса агьулданувугу, ххуйну кIулссар Дагъусттаннаясса лаккучу Аьлиев Аьли МахIаммадшариплул арснал цIа. КIулссар ванал дуллалисса дугърисса тIуллайну ва жяматийсса иширттаву чялишсса гьурттушиннарайну. Майкопрай Аьлил, Хъунмур теннисрай буклансса комплексгу бувну, сакин дурну дур ва спортрал журалул федерация. Ва цувагу ур Адыгнавусса Хъунмур теннисрал федерациялул каялувчи. Гьарца шинах ванал сакиншиндаралу шикку...

Дагъуcттаннай бантIий бур Пассажиртурансса транспортрал парк. Муния бувсунни пресс-конференциялий ДР-лул транспортрал ва ххуллурдал хозяйствалул министрнал хъиривчу Мурад Атаевлул. Ванал тIимунийну, хIакьинусса кьини региондалий зий дур 615 муданнасса маршрут, миннува 92 регионнал дянивсса. Шикку зий бур 3200 мюрщисса, дянивсса ва хъунисса классрал автобусру. – Пассажиртал ххилай бур 19 транспортрал компаниялул (перевозчиктурал). БувчIлачIисса зат бур, республикалул шагьрурдайсса...

Сентябрьданул 4-нний «Дагестан» РИА-лул площадкалий хьунни Аьрасатнал ДОСААФ-рал ва ванил Дагъусттаннал региондалул отделениялул иширттан хасъсса пресс-конференция. Мероприятиялул хъамаличуну ия ва идаралул Дагъусттаннал региондалул отделениялул каялувчи Шамил Аьлиев. Аьрасатнал ДОСААФ сакин бувну бур 1927-ку шинал январьданул 23-нний. Таний ванил цIа диркIссар «Общество содействия обороне, авиационному и химическому строительству» (ОСОАВИАХИМ). Сакин хьуния махъ ванил хъанай дур сайки...

Сентябрь зурул 4-нния байбивхьуну 6-ннийн бияннин МахIач­къалалив, А.-П.Салаватовлул цIанийсса Къумукьнал театрдануву наниссар «RT.Док: Время наших героев» тIисса документал кинорал Дунияллул халкьуннал дянивсса 11-мур фестиваль. Ванин хас бувсса пресс-конференция хьуна тталаткьини, сентябрьданул 3-нний, «Дагестан» РИА-лий. Журналистътуращал хьунабакьин бувкIун бия аьралий корреспондент, документалист, жяматийсса ишккакку, Аьрасатнал ПрезидентначIасса советрал член Руслан Гусаров ва RT документал вещаниялул дирекциялул каялувчи,...