ХIурмат бусса лакрал жямат, «Илчилул» буккулт! Барча зул ЦIусса шин. Барачатсса, буллугъсса шин хьуннав.Ххаришивурттащал, хъиншивурттащал дуркIун лякъиннав. ТIиртIунийн ка диллай, бивзний ша бакьлай, бувсний махъ бацIлай личIаннав. Аьдатравун багьсса куццуй, ларгсса шин цукун, ссайну дакIний лирчIссарив буслай бур жула миллатрал бусравсса вакилтал. Зарема Буттаева, Дагъусттаннал культуралул министр: – Ларгсса шин дакIний лирчIунни Дагъусттаннал культуралул оьрмулуву...

Гьашину жула билаятрай кIицI лаган тIий дур Буттал КIанттул цIанийсса Хъунмасса дяъвилий ххувшаву ларсун 80 шин. Ва иширацIун бавхIуну, ПаччахIлугърал бакIчинал баян бунни 2025-ку шин Ватан дуруччул шинну. Бюхттулсса Ххувшаврил юбилейрал хьунийн билаятрай дайдирхьунни проект «Музыкалул бессмертный полк «Голоса Героев». Проект итадаркьунни хIа­кьину дяъвилул ишру нанисса Курскрай, 1943-ку шинал кунма, виричувну душманнайн данди бацIаврийну Аьрасатнал...

Яруссаннал «ХIакъикъат» кказитрал «СаллатIнал нину» проектрайн бувну чирчусса ирглийсса макьала хас дурну дур СВО-лийсса Аьрасатнал цалчинсса Виричув НурмахIаммад ХIажимахIаммадовлул ниттин Сапижат Мазаеван. Хъамитайпа-нину Хъамитайпа. Нину. Вай кIивагу мукъуву цуксса кьянкьашиву, цуксса гуж бакъар, цивгу хъамитайпа-нину тIисса цасса калималувун цачIун хьусса. Гьарцагу оьрчIан цалла нину хъанахъиссар талихIрал дуссукъаттану. Шиву оьрчIан баллалиссар ниттил балайлул чIу, ккаклакиссар ниттил...

Вай гьантрай ЦIуссалакрал райондалул Мажлисрал председатель Аслодин Аслудинов лайкь хьунни «За содействие СВО» тIисса медальданун. Ванияр хьхьичIгу Аслодиннун дуллуссия «Операция по денафикации и демилитаризации Украины» тIисса, аьралитуран чялишсса кумаг буллалиминнан дулайсса медаль. Аслодиннун ва медаль дуллуну дур 58-мур полкрал аьралуннал командованиялул чулуха.Аслодин Аслудиновлуйн цимилгу бувкIунни аьралитурансса кумаграхлу Барчаллагьрал ча­гъарду. Миннувух бур 70-мур мотострелковый полкрал аьралитурал...

Москавливсса Дагъусттаннал Культуралул центрданул президиумрал член, Мариян Илиясовал цIанийсса «Дараччи» фондрал Москавливмур фондрал хъунмур Мариян Кьаландарова ччя-ччяни бияй «Дельфин» тIисса лагерьданийсса Палестиннавасса лихъачалтрачIан, вайннан аьркинмур, дуки-хIачIия диян дуван. ЦIусса шинал байрандалул гьантрай Марияннул 80 оьрчIансса нацIу-кьацIулул кьуцуртту биян бунни. Ва хъинсса акциялуву гьуртту хьунни ванил ссурвал Шикаят ва Жумагу, «Дараччилул» активисткахъулгу. «Палестиннал оьрчIан цивппа гъурбатрай...

ЦIусса шинал хьунин Да­гъусттаннал культуралул министр Зарема Буттаева бивунни «Забота» цIанилусса школа-интернатрайн. Ванищал архIал мушакъатсса оьрчIру ялун нанисса байрандалущал барча буван ва вайннан бахшишру дулун увкIун ия Дагъусттаннал Республикалул Халкьуннал Мажлисрал Культуралул, жагьилтурал иширттал, спортрал ва туризмалул комитетрал председатель Мурат Пайзуллаевгу. ЛяличIисса оьрчIан ва кьини, цIушинацIун бавхIусса хъин-хъинсса ихтилатирттацIун ва нацIусса бахшиширттацIун, дакIний ливчIунни магьлул...

Январьданул 7-нний МахIачкъалаллал ва Каспийскаллал кучардавун бувккун бур тамансса инсантал: 400-ннаха ливчусса инсантал гьуртту хъанахъисса «ДАГРУН- 2025» цIанилусса кIинтнил забеграй тамашалий. Вайннавасса чIявуми спортсментурал футболкардай дур Буттал КIанттул цIанийсса Хъун дяъвилий Ххувшаву ларсун 80 шин шаврил, Аьрасатнал бивкIу бакъасса полкрал ва цаймигу лишанну. Амма забеграл вирдакIну хьунни ихIсандарал бутIа. Забеграл гьурттучитурал Тооба платформалийхчил дартIунни къашайшалт...

Уттигъанну Москавлив «Россия» тIисса национал центрданий хьунни «Твой ход – 2024» тIисса Аьрасатнал студентътурал форумрал хIасиллу дуллалисса шадлугърал даражалийсса мажлис. Форумрай гьуртту хьунни билаятрал 89 региондалиясса 400-нния ливчусса вузирдавасса 2500 студент. Ванил сиптачитал ва сакиншинначитал хьунни «Росмолодежь», Аьрасатнал КIулшивуртту дулаврил министерство, Аьрасатнал Жагьилтурал союз, «Ро­ссия – страна возможностей» президентнал платформа, «Больше, чем путешествие» тIисса Аьрасатнал...

Ларгсса шинал Дагъусттаннал ЦУР-данийн (Центр управления регионом) дуркIун дур 98,6 азарунния лирчусса лабизавуртту. Ми хъанай дур 2023-ку шинал дуркIминнуяр 10 азарда ххишаласса. ДукIу дагъусттанлувтурал хъунмур буруккин бивкIун бур энергетикалулмур – 41 азарда лабизаву, ЖКХ-лул – 14,7 азарда, ххуллурдал хIакъираву – 5,5 азарда, цIинцIал бакIурдал, ТКО-лул – 5 азарда, дузалшиндарал – 4 азарда лабизаву. Цинявннаяр чIярусса...

2024 шинал Аьрасатнаву баян бувсса Кулпатрал шинан хасну, ттун дакIнин багьунни чIявучин ххуйну кIулсса, эбратну оьрчIру тарбия бувсса, Ваччиял шяравасса МахIаммадхIажи Маккуевхъал кулпатрая бусан. Ккуллал райондалий цалчин «Нину-виричу» тIисса, бусравсса цIа ларсъсса хъамитайпа бивкIун бур ванал нину Жавагьи Маккуева. Гьарицагу инсаннал оьрмулуву агьаммур кIану бугьай ниттил. Жавагьи ляличIисса хъамитайпа бивкIун бур. Ванил цила лас Асадуллагьлущал...