Ларгсса шинал Дагъусттаннал ЦУР-данийн (Центр управления регионом) дуркIун дур 98,6 азарунния лирчусса лабизавуртту. Ми хъанай дур 2023-ку шинал дуркIминнуяр 10 азарда ххишаласса. ДукIу дагъусттанлувтурал хъунмур буруккин бивкIун бур энергетикалулмур – 41 азарда лабизаву, ЖКХ-лул – 14,7 азарда, ххуллурдал хIакъираву – 5,5 азарда, цIинцIал бакIурдал, ТКО-лул – 5 азарда, дузалшиндарал – 4 азарда лабизаву.
Цинявннаяр чIярусса лабизавуртту соцсетирдаву чирчуну дур МахIачкъалаллал ялапарлувтурал сайки 60 азарда, Каспийскаллал – 6,3 азарда, Дарбантуллал – сайки 4 азарда.
Властьрал органнал ялапарлувтурал суаллахьхьун жавабру дуллуну дур дянивну 2 ссят ва 38 минутIрал мутталий. 400 суалданул хIакъиравусса бувчIин бавуртту дурну дур 30 тIайланнасса эфирдануву. Хъуннасса къула­гъас дурну дур тIайла бакъасса информациярттах.
ХIасан Аьдилов