Январьданул 7-нний МахIачкъалаллал ва Каспийскаллал кучардавун бувккун бур тамансса инсантал: 400-ннаха ливчусса инсантал гьуртту хъанахъисса «ДАГРУН- 2025» цIанилусса кIинтнил забеграй тамашалий.

Вайннавасса чIявуми спортсментурал футболкардай дур Буттал КIанттул цIанийсса Хъун дяъвилий Ххувшаву ларсун 80 шин шаврил, Аьрасатнал бивкIу бакъасса полкрал ва цаймигу лишанну. Амма забеграл вирдакIну хьунни ихIсандарал бутIа. Забеграл гьурттучитурал Тооба платформалийхчил дартIунни къашайшалт хъин баврин харж дувансса 200 азарда къуруш.
«КIинтнил пробег – укунмасса спортраяргу хъунмасса ишри. Ва хъинсса давурттал цIаний лагма лагавур, хьхьичIуннайшивурттайн кIункIу шавур, ччимур аралуву ххувшавурттайнсса ххуллур. Жу пахрулий буру жулла командалул ва гьурттучитурал ва забег яргсса ишну ва кумаграх мюхтажминнал чIарав бацIаврил эбрат шаврия», – кунни «ДАГРУМ» клубрал каялувчи Хаид Жяъпаровлул.
ХIасан Аьдилов