МахIачкъалалив Республикалул 2-мур клиникалул азарханалул конференц-залдануву хьунни Дагъусттаннал цIуллу-сагъшиву дуруччаврил министр Ярослав Глазовлул пресс-конференция. Министрнал, ларгсса шинал ведомствалул даврил хIасиллугу дурну, хьхьичIун лавсъсса ма­съаларттая бувсунни. 2024-ку шинал ЦIуллу-сагъ­шиву дуруччаврил министерствалул нацпроектирдал лагрулий щаллу дурну дур 8 региондалул проект. Миннувух дур цалчинсса медициналул кумаг баврил система лядуккан даврил, онкологиялул ва туннурдал азардащал талатаврил, медициналул организациярду лавайсса...

ЧIарттал школалий тIиртIунни хасъсса аьралий операциялий ватандалул мурадру буруччаврил ххуллий чувшиврий жан дуллусса МахIаммадов МахIаммад Искандардул арснан цIа кусса «Виричунал парта». «Вирттавран бивкIу ба­къассар, вирттал жунма тачIав хъамакъабитантIиссар», – тIий бия мероприятиялий ихтилатру буллалими. КIицI лавгунни хасъсса аьралий операциялий жула аьралийтал ккаккан дуллай бушиву хIат-хIисав дакъасса чувшивуртту. Ватандалул мурадру буруччаврил ххуллий цалла жанну хIайп къакуну,...

Лакрал райондалул администрациялий хьунни райондалул бакIчи Юсуп МахIаммадовлул контрактрай аьралий бурж биттур буллай, хасъсса аьралий операциялия кутIасса чIумуй игьалаган увкIсса Буршиял шяравасса Артур Халидовлущалсса хьунабакьаву. Артур аьралий бурж биттур буллай усса ур Запорожскаллал областьрайсса Бердянск шагьрулий. Хьунабакьаврий гьуртту хьунни Буршиял шяраваллил бакIчи Амсар МахIачевгу. Юсуп МахIаммадовлул барчаллагь увкунни аьраличунахь чувшиврухлу, ватандалул хьхьичI бивхьусса бурж дакI...

Гьарица шинах, февраль зурул 8-нний, жула билаятрай кIицI лагайссар Аьрасатнал элмулул кьини. Байран кIицI дуллан бивкIссар Аьрасатнал Элмурдал академиялул гьану бивзун 275 шин хьусса чIумуя шихуннай (1999 шин). Вай гьантрай ттун дакIнин бутан ччан бивкIунни элмулул ххуллий хъунмасса захIмат бивхьусса ва цалла цIарду бусраврай кьариртсса Киров ва Гулизар Султановхъал ххаллилсса кулпат, бусан ччан бивкIунни кулпатрал...

2024-ку шинал бартдиргьуну дур 1 млрд къурушрансса инвестициярдал 4 проект. Мунил хIакъираву пресс-конференциялий бувсунни Дагъусттаннал Ишбажаранчишиврул ва инвестициярдал агентствалул каялувчи ХIусайн ХIусайновлул. Вай проектирдавух дур Ххунзахъиял райондалий «Эколенд» тIисса туризмалул ва рекреациялул комплекс баву, къуртал дурну дур пюрунтирттал ххаллу дайсса производствалул 1-мур ятIап. Мукунна бартдиргьуну дур арматурастроениялул производствалул проект. Ванил мурад бур Аьрасатнал рынокрай импортозамещение...

Марияннул аьпалун Баврув, авчитал, баврув!… Марияннул махъва-махъсса балай Баврув, авчитал, баврув, Бичардув циняв аврду! Чунмай бугьанну утти БачIи кьувкьу луларду! Агь, дахIалай, вин ци бур, Зулми дакIру цанни цIун: Ас бакъул ккулла битай Адав дунал дакIницIун! Бивтунни, агь, бивтунни Гьав-гьавтIи шанбачIулий, ЛухIи лавгунни шагьру ЛухIи леххаврил чIуний. КIучI бунни шярал ххиттул КIири оьттул гъатIригу, Лагма...

Февраль зурул 16-нний 100 шин бартлаглай дур 10-хъул шиннардий Кку­ллал колхозрал председательну ивкIсса, Дагъусттаннайгу, мунил кьатIувгу цIа дурккун диркIсса, хIакьинусса кьинигу чIявуссаннал дакIний-мазрай усса инсан, ХIажинал арс МахIаммадхIажи ХIажиевлун. Ва каялувчину уссаксса хIаллай колхозрал, кутакгу цIакь хьуну, паччахIлугърал ккаккан дурсса планнугу ххинугу биттур дайсса диркIун дур. 1969-ку шинал Дагъусттаннал колхозниктурал конференциялий МахIачкъалалив цала лахълахъисса мукъуву...