ЧIарттал школалий тIиртIунни хасъсса аьралий операциялий ватандалул мурадру буруччаврил ххуллий чувшиврий жан дуллусса МахIаммадов МахIаммад Искандардул арснан цIа кусса «Виричунал парта».
«Вирттавран бивкIу бакъассар, вирттал жунма тачIав хъамакъабитантIиссар», – тIий бия мероприятиялий ихтилатру буллалими.
КIицI лавгунни хасъсса аьралий операциялий жула аьралийтал ккаккан дуллай бушиву хIат-хIисав дакъасса чувшивуртту. Ватандалул мурадру буруччаврил ххуллий цалла жанну хIайп къакуну, хъуннасса жаваблувшиндарай биттур буллай бушиву аьралий бурж. Гьарца кьини ккаккан дуллай бушиву цанна ватан цуксса ххирану дуссарив, хIакьсса патриотизм – му анжагъ укунмасса махъ бакъашиву, му душиву цал оьрмулул мяъна, мунияту хIайп тIий бакъашиву ватандалул ххуллий дулун цала жагьилсса жанну.
Дуклаки оьрчIал дурккунни вирттавран хас дурсса назмурду.
Зулайхат Тахакьаева
