Мубараксса Рамазан-зурул, дакIру марцI ду­ккан даврицIун, АллагьначIан гъан баврицIун, цIакь дуллай бур личIи-личIисса миллатир­тталгу, инсантуралгу дянив­сса арарду. Ссал къабагьари диндалул уссурвавращал цачIу щябивкIун зума итадакьин бувкусса цIу-ччатI, увкусса ххув. Вай гьантрай Москавлив хьунни ца мукунсса щябикIаву – «Цашиву» тIисса Культурно-просветительский центрданийсса лакрал ифтар. Ванийн бувкIун бия Москавлив ялапар хъанахъисса лак. Вайннащал бувкIун бия личIи-личIисса миллатирттал...

Мартрал 12-нний Москавлив, Поклонная зун­ттуйсса «Рамазан зурул чятирдануву», аьдатрайн бувну, Да­гъусттаннал кьини дунни Аьрасатнал ПрезидентначIасса Дагъус­ттан республикалул Пост­предствалул. Гьашинумур программа дар­хIуну дия Ватан дуруччул шин баян баврицIун. БавтIминнавух бия СВО-лий гьуртту хъанахъимигу, вайннал кулпатругу. Мероприятие дайдирхьуна Троицк шагьрулул имам Умар-Хазрат Аьлиевлул Кьурандалул аятру буккаврия. Постпреднал хъиривчу Табир Маликовлул бувккуна постпред Владислав Толстюклул цIанияту барча буллалисса...

Хъаннил байрандалул гьантрай ЦIуссалакрал райондалий хьунни хасъсса аьралий операциялул гьурттучитурал ни­ттихъащалсса ва кулпатирттащалсса хьунабакьавуртту. ЦIанасса тагьарданий вайри хъанахъисса хьхьичI ххуттай бавцIусса аьралийтурал къинттуллух цIакьну бавцIуми, миннал дакI дуллалими. Райондалул администрациялул вакилтал шаппа-шаппай лавгунни кIия ва ххишалагу арсру аьралий операциялий гьуртту хъанахъисса ниттихъачIан. Райондалул бакIчи МаматIи ХIамзатовлул чулуха ниттихъан буллунни Барчаллагьрал чагъарду ва арцуйнусса бахшишру. Нинухъру...

Дагъусттаннал халкьуннал художник, СССР-данул ва ­Аьрасатнал Художниктурал союзрал член, ДАССР-данул магьирлугърал лайкь хьусса ишккакку Арсен Къардашовлущалсса интервью – На студент заманнайва бувккуссия Апанни Къапиевлул ххаллилсса произведенияртту ( «Шаэр», «Чарий цIурцIусса чичрурду» «Фронтрай дурсса чичрурду»). Шиккува кIицI лаганна, машгьурсса чичу Константин Симоновлулгу лавайсса кьимат бивщушиву «Къапиевлул аьралий дневникирттан», вайннуву бюхханну, хIакьну дяъвилул суратру ккаккан дурну дур...

«Илчи» кказитрал редакциялул ва нюжмардийсса хъамалну хьу­нни хъуннасса жаваблувшиву дусса къуллугърал буржру чулийн буккан буллалисса ведомствалул вакилтал – ДР-лул экономикалул министр, ДР-лул паччахIлугърал 1-мур даражалул советник ХIажи Султанов ва ДР-лул Экономикалул министерствалучIасса Жяматийсса советрал председатель Шагьимардан Мудуев. ХIажи Султанов увну ур 1977-ку шинал ЦIуссалакрал райондалийсса Шушиннал шяраву. ЦIуссалакрал шяраву бувккуну бур дянивмур даражалул школа. Дагъусттаннал...

Мартрал 14-нний «Дагестан» РИА-лул редакциялий «Открытая власть» проектрал лагрулий хьунни ДР-лул экономикалул министр ХIажи Султановлул ирглийсса пресс-конференция. Шикку гьуртту хьунни ДР-лул Экономикалул министерствалучIасса Жяматийсса советрал председатель Шагьимардан Мудуевгу. ХIажи Султановлул балжину бувсунни халкьуннал багьу-бизу, маэшат хьхьичIунмай баврицIунсса миллатирттал проектру ци тагьарданий дуссарив. Дагъусттаннай махъсса 6 шинал мутталий дузрайн дуккан дурну дур миллатирттал 14 проект. Вайннун...

Мартрал 13-нний ДР-лул энергетикалул ва тарифирттал министр Марат Шихаьлиевлул ва «Дагэнерголул» филиалданул чIумуйсса директор Арсен ХIажиевлул пресс-конференция хьунни. Вайннал бувсунни, энергетикалул бутIувун жагьилсса, пагьму-гьунар бусса пишакартал кIункIу баншиврул, «Россети Северный Кавказ»-«Дагэнерго» дуллай бушиву «Энергия гор» тIисса кадрардал конкурс. «Дагэнерголул» даврил уртакь хьуну бур ДР-лул Энергетикалул ва тарифирттал министерство, ванил кабакьлай бур конкурсрай хьхьичIун ливчуминнан агьамми...

Мартрал 13-нний Аьрасатнал Федерал Мажлисрал Па­ччахIлугърал Думалул депутат Жамалдин ХIасанов ва ванал кумагчитал бувкIунни ЦIуссалакрал райондалийн. Администрациялул къатраву хъамал хьунабавкьунни райондалул активращал. ЦIуссалакрал райондалул бакIчи МаматIи ХIамзатовлул хьхьичIун лавсунни депутатнал кумаг аьркин багьлагьисса ма­съалартту. Ванал бувсунни райондалий дурсса социал объектирдая, бакьин бувсса жяматийсса кIанттурдая, мукунма райондалул гьурттушинна дурсса федерал ва региондалул проектирдая ва программардая. КIицI...

Вай гьантрай агьалинащал хьунаавкьунни «Справедливая Россия – За Правду» партиялул региондалийсса отделениялул советрал председатель, ДР-лул Халкьуннал Мажлисрал председательнал хъиривчу Камил Давдиев. Депутатнащал хьунаакьин Къизлар шагьрулия увкIун ия 2022-ку шинал март зурул 10-нний Мариуполь шагьру мурахас буллалисса талатавурттаву 56 инсан ххассал увсса Айгум Ногаев. Ванал мурад бия «О дополнительных мерах социальной поддержки граждан Российской Федерации, ­призванных...

Мартрал 15-нний Дагъусттаннайн къуллугърал аьрххилий увкIсса АьФ-лул экономикалул лябуккулул министр Максим Решетниковлул ва Республикалул бакIчи Сергей Меликовлул дунни жула региондалул социал-экономикалул масъаларттал хIакъиравусса батIаву. Вайннал ххал бивгьунни рес­публикалул энергетикалул ва ЖКХ-лул предприятиярттал программа бартдигьаврил, коммунал ва энергетикалул инфраструктура лядуккан даврил, Аьрасатнал Федерациялул паччахIлугърал программарттал ва национал проектирдал инструментру ишла баврил ва Каспийлул зумардайсса кластерданул масъалартту....