Апрель зурул 26-нний «Молодежь Дагестана» кказитрал редакциялий хьунни «Университетские смены» тIисса Федерал проектрай ххув хьусса дуклаки оьрчIал ва региондалийсса «Движение первых» тIисса Советрал председатель Людмила Саидовал пресс-конференция. КIицI ларгсса Федерал проект зузи дурну дур Аьрасатнал К1улшиву дулаврил элмулул, Аьрасатнал просвещениялул министерсварттал чIарав бацIаврийну. Проектрал лагрулий 12 шинава 17 шинавун бияннинсса оьрчIру Аьрасатнал яла хьхьичIунми вузирдаву...
Ахъушиял райондалийсса ЦIуликъяннал шяраву хасъсса аьралий операциялий къучагъшиврий жан дуллусса Алик МахIаммадовлун цIа кусса гьайкал тIиртIунни. Ва гьайкал дацIан дунни шяраваллил жяматрал сипталий. Му мажлисрай гьуртту хьунни Дагъусттаннал миллатрал политикалул ва диндалул иширттал министр Энрик Муслимов. Мероприятиялий мукунма гьуртту хьунни Ахъушиял райондалул бакIчи МахIач Аьбдулкаримов, миллатрал политикалул ва диндалул иширттал министрнал цалчинма хъиривчу Гьарун Давидов,...
КIулшивурттал даража гьаз баву мурадрай дуллалисса давурттал лагрулий ЦIуссалакрал райондалий Гьамиящиял школалий хьунни оьрус мазрал ва литературалул учительтурал мастер-классру. Семинарданул агьаммур тема дия дуклаки оьрчIру ОГЭ-дайн ва ЕГЭ-дайн хIадур баву. Цалчинсса мастер-класс хьунни 9-мур классраву. Ва ккаккан бунни Гьамиящиял школалул оьрус мазрал ва литературалул учительница Наида Кьурбановал. КIилчинмур мастер-класс ккаккан бунни Анджелла Исяевал. Ахирданий учительтурал,...
ЦIуссалакрал райондалиясса 500 дуклаки оьрчI гьуртту хьунни «Къиримнал историярду» тIисса Щалагу Аьрасатнал акциялуву. Ва хьунни «Культура для школьников» тIисса Аьрасатнал Культуралул ва КIулшивуртту дулаврил министерстварттал цачIусса проектрал лагрулий. Акциялуву гьуртту хъанахъисса оьрчIал ккаккан бунни цала гьунарду шанма номинациялуву: «Къиримнахасса назму», «БачIижазиралул тамаша бан бучIисса кIанттурдайнсса цала аьрххилия бусаву» ва «Къиримнал пейзажрал сурат».
[dropcap]М[/dropcap]ариян Илиясовал цIанийсса «Дараччи» фондрал Украиннай хасъсса аьралий иширттаву талатиминнан тIайла дурккунни дуки-хIачIия, даруртту, аьркинмур. Ва фондрал чирилунсса ирглийсса давур. Укунсса давуртту «Дараччилул» сияхIрай чансса дакъассар. Фондрал хъунмур, Дагъусттаннал культуралул министерствалул Жяматийсса советрал ва МахIачкъалаллал Жяматийсса палаталул член Гульшан Хасаевал тIийкун, фондрал даврил ца къярттану хъанахъиссар рахIму-цIимилул, ихIсандалул ка-кумаг. – ХIакьину, жулва жагьилтал жулва цIаний...
Апрель зурул 29-нний лакрал машгьурсса фольклорист, публицист, педагог, филологиялул элмурдал доктор, МахIмудлул арс Халил Халиловлун хьунтIиссия 95 шин. Цала оьрмулий ванал, хъирив лаллай, батIлай, салкьи буллай, дунияллийн буккан бувссар лакрал миллатрал литературалул ва культуралул ххазинану хъанахъисса фольклорданул биялсса произведенияртту. Жула бусравса аьлимчунал цIа цал уттигу хIурматрай зумух ласлай, кьадрулий дакIнийн утлай, яларай дуллай буру ванал...
[dropcap]М[/dropcap]ахIачкъалалив, КIулшиву дулаврил управлениялул сипталийну, ч1яру профиллал 5-мур лицейраву хьунни «Гамзатовские чтения» тIисса элмийсса конференция. Ва хас дурну дия Дагъусттаннал Халкьуннал шаэр Расул ХIамзатовлул 100 шинан. Конференциялул лагрулий лицейрал коллективрал ва дуклаки оьрчIал цачIуну тIивтIуну бия «литературалул къатта». Ккаккиялун дирхьуну дия шаэрнал оьрмулия ва творчествалия бусласисса суратру, луттирду ва кьай-кьуй. Мукьва-ххюва журалул номинациялий дуклаки оьрчIан...
[dropcap]М[/dropcap]ахIачкъалалив, Ися Идавсил (аь.с.) цIанийсса РувхIанийсса центрданий апрель зурул 19-нний хьусса жагьилтурансса ифтарданий гьуртту хьунни ацIазарунниха ливчусса жагьилтал. Ва давугу дурну дия шагьрулул администрациялул, Спортрал, туризмалул ва жагьилтурал иширтталсса буллалисса управлениялул Муфтиятращал уртакьну. [dropcap]М[/dropcap]ероприятие дачин дурну ия машгьурсса тележурналист, продюсер, нашидру учайсса Султан Трамов. Аьдатрайн бувну, мероприятие дайдирхьуна мубараксса Кьурандалул аятирттая. ХIапизтурал республикалул конкурсрай ххув...
[dropcap]М[/dropcap]укьра шинал хьхьичI, 2019 шинал апрель зуруй, трассалияту ГьунчIукьатIрал шяравун нанисса ххуллул кIивагу чулий буссия бувгьуну 272 мурхь. Ми цивппагу буссия хас бувну Хъун дяъвилий гьуртту хьусса гьарцагу шяравачувнан ца-ца мурхь хIисаврай. Вай мурхьру бугьаврил сиптачинугу хьуна ГьунчIукьатIрал ккуран, хаснува ккурандалул бакIчи ХIусайнов ХIажибутта. Бувгьусса мурхьирдацIун дирзссия цIагу – «Сийлул ххуллу» («Аллея Славы»). Ва аллея...
Дагъусттаннал ва лакрал миллатрал ххаллилсса арс, Дагъусттан Республикалул виваллил иширттал министр Аьвдурашид МахIаммадовлун вай гьантрай бартларгунни ниттил увну 65 шин. Аьвдурашид МахIаммадов кIицI бувсса къуллугърай авцIуния шинай Дагъусттаннай сакин хьунни муниннин жува цинявннал, ца зумату кунна, чIа тIий бивкIсса паракьатшиву, щаллу хьунни вари чинсса нигь дакъа, ццах бакъа ялапар хъанансса шартIру. Ванал, махъ бакъа, чIалачIи...
