Гьарцаннал оьрмулуву дакIний личIансса лахIзардугу, хъамакъабитайсса инсанталгу бикIай. Жунгу укунсса инсантуравасса цану хъанахъиссар дарсгу дирхьусса, тарбиягу дуллусса учитель АхIмадов Залимхан Иллал арс. Дахьва университет къуртал бувсса Залимхан Иллаевич увкIуна ГьунчIукьатIрал школалийн дарсру дихьлан ва жул классрайгу каялувшиву дуван бакIрайн ларсун дия. Гъирарай дарсру дишайва, дурчIингу дувайва, тIалавшиннагу хъиннура хъунная. Так дарсру дишаву дакъа, цува хьхьичIну,...

Ттигъанну Оьруснал театрданул Хъунмур залдануву лайкьсса даражалий хьунни Дагъусттаннал халкьуннал артистка Луиза Шахдиловал концерт. Ваних лакрал агьали ссавур дакъа ялугьлай буссия шинал лажиндарай. ДакIний бухьунссар, дукIу Луизал юбилейрал мажлисрайн, куннал кув ккуччу буллай, театрданул нузкьунттура гъагълай най бивкIсса агьали республикалул магьирлугърал тарихраву хьхьичIунсса ва яргсса кIану бугьлагьисса, илданул дянив кьимат бюхттулсса актриса барча бан. Ва...

Февральданул 1-нний Аьрасатнал президент Владимир Путиннул бувсса Указрайн бувну, лакрал хьхьичIунсса вакил, техникалул элмурдал кандидат, 1-мур классрал пилот, ДР-лул транспортрал лайкь хьусса зузала, «авиакомпания «Дагестан» ООО-лул гендиректорнал маслихIатчи, Акбардул арс Жабир Абакаровлун дуллунни «Аьрасатнал Федерациялул транспортрал лайкь хьусса зузала» тIисса хIурматрал цIа. Бусравсса цIагу барча дуллай, чIа тIий буру Дагъусттаннал ва лакрал миллатрал лайкьсса арснан...

Дагъусттаннал Чичултрал союзрал лакрал литературалул секциялул каялувчи Супиян Оьмаровлул Аьрасатнал Чичултрал союзрал членнал удостоверение дуллунни Читтурдал шяравасса Кьурбанов Кьурбаннун. ХIусайннул арс Кьурбан 50-хъайсса шиннардий Аьрасатнал регионнай яхъанахъисса, личIи-личIисса къуллугъирттай зий ивкIсса зунттал чув ур. Зувира шинал мутталий ва Ханты-Мансийск шагьрулий ялапар хъанай ур. Ва ур финансист, экономист, политолог, журналист, композитор. Ханты-Мансийскаллал агьулданун ва шаэр хIисаврайгу...

Ххаллилсса лаккучу, Гьун­чIукьатIатусса Зайнул­аьбидлул арс Чавтараев Чавтарал оьрмулул 95 шинал юбилей хьунадаркьунни. Чавтара, чIивисса оьрмулий айивхьуну, шяраву колхозраву, къутандалий, Аьрасатнаву личIи-личIисса давурттай зий уссия. Хъинну захIмат ххирану, лайкьну, лажин кIялану, цащала зузиминнал бикIу, хъуниминнал бикIу, хIурматрай цала бурж биттур буллай уссия ва. Чавтарал, кулпатгу бувну, кIия цIа дансса арс хъуни увссар. Инсантал ххирасса, хасиятрал иминсса,...

Буттал КIанттул маданият ва магьирлугъ хьхьичIуннай даврил ххуллий чIярусса шиннардий бувсса захIматрахлу ДР-лул культуралул министр Зарема Буттаеван ттигъанну дуллунни Аьра­сатнал культуралул лайкь хьусса зузалал цIа. Зарема Буттаева Республикалул культуралул министрну зий бур 2013-ку шиная шинмай. Ва чIумул манзилданий Зарема Бу­ттаевал каялувшиндаралу дузрайн бувккунни чIявусса проектру. Хъуннасса къулагъас дуллай бур Зарема Буттаева Лакрал ва Ккуллал районнал...

Октябрь зурул 19-нний увну ур, чIярусса шиннардий ХIукуматрал жаваблувсса къуллугъирттай дакI марцIну зий, агьалинал вихшалдаран лайкь хьусса, ххаллилсса лаккучу, хIакьсса патриот Адамов АьбдурахIман МахIаммадович. Яргсса, авадансса бур АьбдурахIман МахIаммадовичлул биография. Бусса оьрмулий ва халкьуннан мюнпатсса давуртту дуллай ивкIссар. ДакIнийхтуну барча уллай буру жула тухумраву ххишала акъа бусравсса инсан лайкьну бувтсса оьрмулул юбилейращал. ХIурмат бусса АьбдурахIман...

25 шинал хьхьичI, 1999 шинал, хар-хавар бакъа ЦIуссалакрал райондалийн дунияллул террористътурал кьюкьри ххярхсса тарихрал иширан хасну кказитрай рирщусса язи-язими макьалартту. 1999-ку шинал сентябрь зуруй ЦIуссалакрал аьрщарайн ххявхсса террористътал ххит бувну 25 шин шаврин хас дурсса мероприятиярттал лагрулий ЦIуссалакрал шяраву тIивтIунни тай шиннардий райондалул прокуратуралий зий ивкIсса ЖахIпар Буттаевлул аьпа абад буллалисса ула. Ришлай буру та...

Дагъусттаннал хъунасса арс, ДР-лул халкьуннал художник, искусствалул лайкь хьу­сса ишккакку, ГьунчIукьатIрал жяматрал пахрулунсса вакил Арсен Къардашов ниттил увсса кьинир хIакьину. Арсеннул бивтсса оьрмулулгу, творчествалулгу ххуллу бур ххишала бакъа авадансса, гьарца чулуха бювхъусса ва барачатсса. Ванал кIунттила бувккун бур цаннияр ца ххаллилсса художествалул произведенияртту ва ми хъинну машгьурну бур. Ххирасса Арсен, чIа тIий буру вин цIакьсса...