Буттал КIанттул маданият ва магьирлугъ хьхьичIуннай даврил ххуллий чIярусса шиннардий бувсса захIматрахлу ДР-лул культуралул министр Зарема Буттаеван ттигъанну дуллунни Аьрасатнал культуралул лайкь хьусса зузалал цIа.
Зарема Буттаева Республикалул культуралул министрну зий бур 2013-ку шиная шинмай. Ва чIумул манзилданий Зарема Буттаевал каялувшиндаралу дузрайн бувккунни чIявусса проектру.
Хъуннасса къулагъас дуллай бур Зарема Буттаева Лакрал ва Ккуллал районнал магьирлугърал идарарттахгу.
«Илчи» кказитрал зузалтрал ва буккултрал цIанияту дакIнийхтуну барча дуллай Зарема Буттаевахь ва ларайсса цIа, чIа тIий буру ттигу чIярусса шиннардий ва ведомствалий каялувшиву дуллансса цIуллушиву, давриву тIайлабаацIу, талихI ва тирхханну.
«Илчи» кказитрал редакция
