Дагъусттаннал Чичултрал союзрал лакрал литературалул секциялул каялувчи Супиян Оьмаровлул Аьрасатнал Чичултрал союзрал членнал удостоверение дуллунни Читтурдал шяравасса Кьурбанов Кьурбаннун.

ХIусайннул арс Кьурбан 50-хъайсса шиннардий Аьрасатнал регионнай яхъанахъисса, личIи-личIисса къуллугъирттай зий ивкIсса зунттал чув ур. Зувира шинал мутталий ва Ханты-Мансийск шагьрулий ялапар хъанай ур. Ва ур финансист, экономист, политолог, журналист, композитор. Ханты-Мансийскаллал агьулданун ва шаэр хIисаврайгу кIулну ур, оьрус мазрайсса назмурдал луттирду дунияллийн буккан бувну бур. Уттигъанну Дагъусттаннайгу итабавкьунни ванал лакку мазрайсса «Эшкьилул хъару» тIисса лу. Ва Дагъусттаннай авторнал лакку мазрай итабавкьусса 1-мур лу хъанай бур. Аьрасатнал Чичултрал союзрал кьюкьравун кьамул аву барча дуллай, чIа тIий буру Кьурбаннун цIакьсса цIуллушиву, дуллалимуниву тIайлабацIу!
ПатIимат Рамазанова