Исмяйл арс Исмяев МахIаммад Январьданул 28-нний, ца зурува хъанахъисса цала 90 шинал юбилейрайн кулпат, циняв гъан-маччамигу хIадур хъанай кьабивтун, цIал-цIуцIаву дакъана, инжит къавхьуна, паракьатну тамур дунияллийн лавгунни мяйжаннугусса зунттал яхIлув,

Январьданул 20-нний УнцIукIуллал райондалий шадлугърал тагьарданий тIиртIунни культуралул ва тарихрал гьайкал «АхIулго». Га дур аьмсса хъамакъабитулул ва аьмсса кьадарданул мемориал.

Январьданул 24-нний АьФ –лул Ухссавнил Ккавкказуллал иширттал министр Лев Кузнецовлул ва Дагъусттаннал БакIчи Рамазан АьбдуллатIиповлул каялувшиврулу хьусса совещаниялий ххал бивгьунни ччуччиялул ва энергетикалул комплексрал захIматсса маъалартту.

Январь зурул 24-нний Дагъусттан Республикалул ХIукуматрай хьунни наркотикирттайн къаршисса комиссиялул заседание. Заседание дачин дурну ия ДР-лул ХIукуматрал председательнал хъиривчу Рамазан ЖахIпаров. Шикку ихтилатру хьунни республикалийсса наркотикирттацIун дархIусса тагьардания,

Пресс-конференция дачин дурну ия Виваллил иширттал министр Аьвдурашид МахIаммадов. Шикку гьуртту хьунни министрнал хъиривчу, полициялул хъунама Сергей Карпов, Миграциялул масъаларттал управлениялул хъунама МахIаммад МахIаммадов.

Январьданул 22-нний Дагъусттаннал БакIчи Рамазан Аьб­дуллатIипов гьуртту хьунни Москавлив «Единая Россия» партиялул XVI съездрал пленарный заседаниялий.

ЛякъинтIиссарив Аьрасатнал ва Американал дунияллул аьмсса масъалартту цачIу щаллу буллансса ххуллурду?

Инсантурал къатта-къуш­ливу харж хьусса чаннахсса арцу датIайсса Да­гъусттаннал Энергосбытрал идара цакьнива Гъумук буссия. Ва иширал ялув цала харж бувсса чаннащал бавхIусса ва цайми иширттащалсса масъалартту ххал бигьин Ккуллал райондалул жяматран Гъумукун занан багьайва.

2017-ку шинал дайдихьулий на МахIачкъалалия Ла­ккуйн, Вихьлив маршруткалий най уссияв. Маршруткалувусса пассажиртураву Гъумукунсса, Ваччавсса бакъахьувкун, машина, ОьхIлилун бияйхту, кияхунмай кIура бавну, Аьхъарахмур ххуллийх бавчуна.

Ттун архниятува чIалан ивкIуна Хъюйннал шяраваллил лултту нанисса ххуллул чIарав ххуллулссаннащал ихтилатрай авцIуну. ГаначIан ияннина ттула фотоаппаратгу бувккун, ссалам алайк булайхту: «ЦIана, буттауссуй, на вил сурат рищунтIиссар му рахIулуву жула «Илчи» кказитрайн дулун», — куну,