Ватан дуруччултрал кьини МахIачкъалалив, Совет Союзрал Виричу АхIмад-Хан Султаннул гьайкалданучIа, бусалардавун агьсса лётчикнал гьунардая бусласисса акция хьунни МахIачкъалаллал шагьрулул мажлисрал бакIчи Марис Илиясов каялувчину. ГьайкалданучIан бавтIун бия МахIачкъалаллал администрациялул мэрнал хъиривчу Запир Алхасов, Жагьилтурал парламентрал депутатътал, жяматийсса ккураннал вакилтал, активистътал, Виричунал буттал шяраваллил агьлу. Марис Илиясовлул кIицI лавгуна гьарманал бурж бушиву ватан дуручлай бивкIсса вирттаврал...

Уттигъанну «Илчи» кказитрал 5-мур ва 6-мур номердай (28.01.21 – 05.02.21) «Дагъусттаннал тарихрал ва ца инсаннал оьрмулул шачIантту» тIисса дакIнин бичавурттал журалий­сса хъуннасса макьала дурккунни. Вай дур ТIюхчаратусса Магьди Худайнатовлул душнил Минажатлул (1915-2005) дурсса чичрурду. Яхьуну дур ванил душничIа КъайсардучIа. Кказитрай рищун чичрурду хIадур дурну дур Андриана Аьбдуллаевал. Минажатлул цила дакIнин бичавурттаву жула революционертал Саэд Габиевлул...

Февраль зурул 22-нний Москавлив хьунни «Справедливая Россия» партиялул XI-мур съезд. Му съездрал бувсса хIукмулийн бувну, цачIун хьунни «Справедливая Россия», «Патриоты России» ва «За правду» партияртту. Шаннагу партия хIала дурххун махъ хьунни «Справедливая Россия – Патриоты – За правду» тIисса партия. ЧIурду буллуну, партиялул каялувчину цIунилгу увчIунни Сергей Миронов. Ванал бунни съездрайсса агьаммур докладгу. «За правду»...

Дагъусттаннал Росгвардиялул управлениялул зузалт гьуртту хьунни Ватан дуруччултрал кьинилун хасну хьусса акциярдаву. «Защитим память героев» ва «Ленточка памяти» тIисса патриот акциярду хьунни МахIачкъалалив, Лениннул комсомолданул цIанийсса паркраву. Мероприятие хIадур дурну дия «Ххувшаврил волонтертал» тIисса Аьрасатнал жяматийсса суккушиннарал региондалул отделениялул. Шикку гьуртту хьунни Аьрасатнал Виричу Загьид Загьидов, Дагъусттаннал миллатирттал политикалул ва диндалул иширттал министрнан кIанайсса Энрик...

ТIабиаьтрал тагьар оьдацIлан дикIаврийн бувну, Дагъусттаннал авариялул къуллугъру зий бур лавайсса даражалул хIадуршиндарай. ДР-лул БакIчи Сергей Меликовлул тапшурлугърайну, му тагьарданийн хIадур шаврил давуртту дайдирхьуну дур хьхьичIра. Аварияртту къахьуншиврул энергетиктал бакIрайва дузал бувну бивкIун бур аьркинссаксса материаллал луртандалул. ДР-лул ХIукуматрал Председательнал хъиривчу Владимир Лемешкол тIимунийну, республикалул теплицарттал хозяйствартту дучIан дурну диркIун дур энергия чанну аьркин байсса...

Февральданул 22-нний ДР-лул ХIукуматрал председательнал цалчинма хъиривчу Батир Эмеев ва хасъсса къуллугъирттал каялувчитал бивунни Хасавюртуллал райондалий «Аьрали строительствалул управление» ФГУП социал объектру дуллалисса кIанттурдайн. ХIукуматрал делегациялул цалчин ххал бувну бур Эндирейауллай 300 дуклаки оьрчIансса школа ва 120 чIивитIунсса оьрчIал багъ буллалисса кIанттурду. Багьайсса бигардугу бувну, строительство нанисса куцгу ххал дурну, къуллугъчитал лавгун бур Кандаурауллай 300...

Ватан дуруччултрал кьинилул хьунийн «Аьрасат — ттул тарих» цlанилусса Тарихийсса паркрал хlадур дурну дия хасъсса программа: уквасса экскурсияртту, мастер-классру, квест, концерт. Ми шадлугъирттавух гьуртту хъанахъиминнавух бия Буттал кlанттул цlанийсса Хъун дяъвилул ва Авгъан дяъвилул ветерантал, 1999-ку шиналсса аьрали иширттал гьурттучитал, «Интербригада», Республикалул Ветерантурал союзрал ва 102-мур личlисса оператив бригадалул вакилтал ва м.ц. Так ца кьини...

Дагъусттан Республикалул Культуралул министерствалий хьунни ДР-лул ЦIуллу-сагъшиву дуруччаврил министерствалул Республикалул инфекциялул азардал центрданул хъунама хIакиннал хъиривчу Муъминат Жабраиловащалсса хьунабакьаву. Культуралул зузалтрахь мунил бувсуна вакцинациялул агьамшиврия, му дуван хьхьичI чара бакъа бан багьлагьимуния. Цанма къабувчIаймур кIул буллай, культуралул зузалтрал ванихьхьун личIи-личIисса суаллу буллунни вакцинациялийн ва муницIунсса вас-ццахлийн багьлагьимуниясса. Муъминат Жабраиловал бувсунни цIананин жулла республикалий 5 азарунна...

Февральданул 16-нний ДР-лул культуралул министр Зарема Буттаевал кьамул унни личIи-личIисса масъаларттащал­сса 9 инсан. ОьрчIал балетрал студиялул каялувчи Камила Гъазиева бувкIун бия отчетрал концертрансса зал булара тIисса тавакъюращал. Р. ХIамзатовлул «Асият» поэмалийн бувсса балетраву вай оьрчIал дурсса хьхьичIунсса гьурттушиннагу кIицI ларгун, министрнал махъ буллунни ва масъала щаллу бавриву кабакьу бувансса. КъавтIаврил Каспийскалиясса «Арс» цIанилусса оьрчIал коллективрал...

Уттигъанну МахIачкъалалив хьусса шагьрулул субботникрай гьурттушинна дурунни «Лезгинка» ансамбльданул коллективралгу. Му давривух къавтIалтрал коллективрал чулуха 30-нния ливчу­сса инсантал гьуртту хьунни – къавтIалт ва цаймигу зузалт. Артистътуран кумаг буллай бия марцIшиву дуван миннал язи бувгьусса кIанттул лагма-ялтту ялапар хъанахъисса инсанталгу. Ансамбльданул каялувчи Жамбулат МахIаммадов оьвчаву дуллай ур шагьрулул ва республикалул цаймигу идарарттайн, укунсса давур­ттавух хьхьичIунсса гьурттушинна...