Ттинин цаягу инсан инжит хьуну акъар

Дагъусттан Республикалул Культуралул министерствалий хьунни ДР-лул ЦIуллу-сагъшиву дуруччаврил министерствалул Республикалул инфекциялул азардал центрданул хъунама хIакиннал хъиривчу Муъминат Жабраиловащалсса хьунабакьаву.

Культуралул зузалтрахь мунил бувсуна вакцинациялул агьамшиврия, му дуван хьхьичI чара бакъа бан багьлагьимуния.
Цанма къабувчIаймур кIул буллай, культуралул зузалтрал ванихьхьун личIи-личIисса суаллу буллунни вакцинациялийн ва муницIунсса вас-ццахлийн багьлагьимуниясса. Муъминат Жабраиловал бувсунни цIананин жулла республикалий 5 азарунна ливчусса инсантурайн бувшиву вакцина ва уттинин цавагу иш къавхьушиву му къабавкьу­сса инсан инжит хьусса.
Ахирданий, мунихь бувсса ихтилатрахлу барчаллагьгу куну, ДР-лул культуралул министрнал буржру чIумуйну биттур буллалисса Зарема Буттаевал кIицI лавгунни вакцина – му гьарцаннал цала хушрай дувайсса даву душиву.