ТIабиаьтрал тагьар оьдацIлан дикIаврийн бувну, Дагъусттаннал авариялул къуллугъру зий бур лавайсса даражалул хIадуршиндарай.
ДР-лул БакIчи Сергей Меликовлул тапшурлугърайну, му тагьарданийн хIадур шаврил давуртту дайдирхьуну дур хьхьичIра. Аварияртту къахьуншиврул энергетиктал бакIрайва дузал бувну бивкIун бур аьркинссаксса материаллал луртандалул. ДР-лул ХIукуматрал Председательнал хъиривчу Владимир Лемешкол тIимунийну, республикалул теплицарттал хозяйствартту дучIан дурну диркIун дур энергия чанну аьркин байсса низамрайн.
Га кьини чани левщун бивкIун бур Хасавюртуллал, УнцIукIуллал, Бабаюртуллал, Шамиллул, ЦIумадиял, Гумбетуллал, Бущихъиял районнай, мукунма МахIачкъалаллал цаппара микрорайоннай. «Россети Северный Кавказ» – «Дагэнерго» филиалданул пишакартурал хIарачатрайну 15.00 ссятраву чани буллуну бур ток бакъа ливчIун бивкIсса 70 % муштаритурал къатравун. Зий бивкIун бур 75-нниха ливчусса бригадартту,327 пишакар ва 124 спецтехника. МахIачкъалалив чани левщун къазий бивкIун бур насосрал 2 станция. Миннувасса ца гава кьини сетирдацIун бакьин бувну бур маркIачIан чIумал, кIилчинмур уттигу бакьин буллай бусса бур.
Авариялул ва ххассал баврил къуллугъру уттигу зийнма бусса бур бусса чаралий.
