Ватан дуруччултрал кьинилул хьунийн «Аьрасат — ттул тарих» цlанилусса Тарихийсса паркрал хlадур дурну дия хасъсса программа: уквасса экскурсияртту, мастер-классру, квест, концерт.

Ми шадлугъирттавух гьуртту хъанахъиминнавух бия Буттал кlанттул цlанийсса Хъун дяъвилул ва Авгъан дяъвилул ветерантал, 1999-ку шиналсса аьрали иширттал гьурттучитал, «Интербригада», Республикалул Ветерантурал союзрал ва 102-мур личlисса оператив бригадалул вакилтал ва м.ц.
Так ца кьини Тарихийсса паркравун бувкlун бур 800-нийн бивсса инсантал. Цlанасса бигьа дакъасса тагьаргу хlисавравун ларсун, Роспотребнадзорданул тlалавшиннардугу биттур дуллай, музейравун бувкlми группардайх бавчlуну бия.