ЦIусса хаварду ца-кIива ххуттайну

ЦIусса хаварду ца-кIива ххуттайну

Аьрабусттаннал
хъамигу – рульданух

Щаллагу дунияллийцири билаятирттаву так ца Аьрабусттаннал хъаннинни машинар­ттал рульданух щябикIаврий къадагъа дирхьуну дусса. 1950 шиная шиннай диркIун дур мукун­сса къадагъа. Утти тIурча, июнь зурул 24-нний хъаннихьхьун рульданух щябикIансса ихтияр дуллалисса закон зун диркIссар. Вара кьини чIявусса душру машинарттай шагьрулувух був­ккун бур, полицияналгу ми бацIан бувну бур так тIутIив пишкаш дуваншиврул. Душваврахь ихтияр дур хъуни машинартту бачин буллангу, мотоциклетру ссур дуллангу.
Къиримнавун оьвкунни американал журналистътурайн

Американал Bloomberg агентствалул журналистътурал карталий Къирим я Аьрасатнал, я Украиннал кIану бакъашиврий ккаккан бувну бур. Къиримнал Жяматийсса Палаталул бакIчи Григорий Иоффел американал журналистътурайн Къиримнавун оьвкуну бур, бачIижазиралул заллухъру ца буссарив ккакканшиврул.

Нидерландиянаву лажин кIучI дуллан къабучIину бур

Нидерландиянал сенатрал жяматийсса кIанттурдай, транспортрай, азарханардай, гьаннайсса, паччахIлугърал идарар­ттай лажин кIучI дуллалисса лаххия лаххаврий къадагъа дирхьуну дур. КъабучIину бур варси лаххангу. ТIайлассар, карши рутаврин къадагъа дакъар. Паранджа дуртсса, чалма дархIусса ягу варси лавхсса инсаннай аьчIа дихьлантIий бусса бур 400 евро. Укуннасса законну кьамул дур­ссия Бельгиянаву, Даниянаву ва Австриянаву.

Билаятрал цIа
даххана къадуван

Македониянал Президент Георге Ивановлул къулбас къадурну дур билаятрал цIа даххана дувансса хIукмулий. Тайннал парламентрал Ухссавнил Македония тIун аьркинссару респуб­ликалийн тIисса хIукму бувну бур. Премьер-министр Зоран Заевлулгу кIира нюжмардул хьхьичIва баян бувну бур республикалул цIа даххана дуллашиву. Амма Македониянал Президент ур му Грециянащал уртакьну бувсса хIукмур, цIа даххана дуваву цала респуб­ликалул конституциялуцIун къабавкьусса ишри, дахханагу къадувантIиссар тIий.

Читайте также: