Премьералул хьунийн

[dropcap]В[/dropcap]ай гьантрай Лакрал театрдануву хьунни аьлимчу-тарихчи Тимур Айтберовлущалсса хьунабакьаву, цувгу хас дурсса чIал къавхьуну Лакрал театрданул сахIналий бишинтIиссаДагъусттаннал халкьуннал шаэр Сибирбаг Кьасумовлул чивчусса «Оьттугу, макьгу» тIисса трагедиялул премьералун.


З. Тахакьаева
[dropcap]В[/dropcap]анал бувсунни 1877-ку шинал хьусса бунтирая. Артистал гъирарай вичIи дирхьуну бия миллатрал бакIрачIан бувкIмуних. ЧIявуя артистурал аьлимчунахьхьун буллалисса ва иширайн багьайсса суаллугу.

Ахирданий Тимур Айтберовлул кIицI лавгунни Дагъус­ттаннал халкьуннал тарихраву хъинну агьамсса кIану бувгьу­сса ишну диркIхьурчагу 1877 шиналсса бунт, Дагъусттаннал театрдал сахIналий ва тема ттинин сукку къадуршиву. Барчаллагь увкунни Лакрал театрданул каялувчитурахьгу, щала коллективрахьгу ва темалух къулагъас даврихлу.

«Оьтту ва макь» спектакльданул премьера аьлимчу ккалли буллай ур Дагъусттаннал тарихраву ва магьирлугърал оьрмулуву хъанахъисса хъинну агьамсса иширан.
Спектакльданул премьера хъанахъиссар июль зурул 3-нний Оьруснал театрданул хъунмур залдануву 18.30 ссятраву.