Ккуллал райондалий 2 шинал хьхьичIра, шяраваллаву яхъанахъисса инсантурал хIаллихшиннарду биттур дуллан тIий, Аьрасатнал Президентнал тIалавшиннарайн бувну, зун бивкIунни МФЦ.
Зунттал кIанай, жунма кIулли, шяраваллава райцентрданийнсса машинартту мудан къабикIайшиву. Мунийн бувну, уттигъанну ва идаралул хIукму бунни цалва зузалт, график бувну, шяраваллавун тIайла буклан. Июльданул 16-нний Вихьуллал шяравун, шикку яхъанахъисса инсантуран аьркинсса справкарду щаллу дуллан, бувкIун бия МФЦ-лул пишакар Мурачуева Муслимат. Ванил инсантал кьамул буллан, Вихьуллал шяраваллил бакIчи ХIусайнов МахIаммадлул цалва кабинетравусса столгу, ялун увкIма щяикIансса кIанттугу буллуну бия. Муслиматлул даву ххуйну дачиншиврул, цаймигу хIаллихшиннарду дурну дия. Муслиматлул бувсуна арвахI кьини Вихьлив, хамис кьини Хъусрахь, нюжмар кьини Ккулув МФЦ-лул зузалтрал инсантал кьамул буллантIишиву. Бюхълахъимур щаллу буллалисса МФЦ-лул пишакартурахь жувагу барчаллагь учинну.
