«Сочи-2013» Дунияллул халкьуннал инвестициярдал форумрай Дагъусттаннал экспозиция дия яла технологикиймур , креативмур, ттизаманнулмур. Му кIицI бунни АьФ-лул премьер-министр Дмитрий Анатольевич Медведевлулгу, га тамансса хIаллай аглан хьунни жулла стендрачIа. Рамазан АьбдуллатIиповлул цалва бувсунни Д. Медведевлухь
тикку ккаккан дурсса проектирдаяту.

Проектрал мурадру:
Инвестициярдал кластерду бансса арцу федерал бюджетрава тIалав даву;
ПаччахIлугърал ва цува заллуманал уртакьсса система дузал даву;
Давуртту чялиш дуккан даву ва республикалийн инвестициярду гьарзану дучIан дуллалаву.
Проект дузрайн дуккан даву зузи дуллан байбихьлай бур рес­публикалул исполнительный властьрал органнал стандарт, инвестициярду дучIан дуллалисса тагьар дузал даврин хасну. Му стандартраву ккаккан бувну бур 15 агьамсса ххуллу-хха. Миннувасса 3 дузрайн буккан бувну бур. Масалдаран, дузал бувну бур ДР-лул инвестортуран аьркинсса инфраструктура щаллу дансса объектру бувансса план. Кьамул дурну дур инвестортурал ихтиярду дуруччаврил, инвестициярду дучIан дуллалаврин кумагрансса механизмардал хIакъиравусса закон. Дузал дурну дур инвестортурал Да­гъусттаннал каялувчинащалсса тIайланна дахIаву дуллалисса канал («горячая линия»), хIасул хъанахъисса масъаларттал ва проблемарттал хIакъираву гацIанава оьвкуну щаллу баву мурадрай.
Сакин бувссар «Диаспора – сила Дагестана» тIисса фонд. Му хъанахъиссар ДР-лул БакIчиначIасса Стратегиялул советравусса экспертизардал ва проектру хIадур даврил центр.
Сакин бувссар «Дагестанская лизинговая компания» тIисса Фонд, «Управляющая компания инвестиционными площадками Республики Дагестан» ОАО. Миннуйн чул бивщуну бюхъантIиссар паччахIлугърал хъус мюнпатну ишла дуллан, проектру щаллу дуллалиминнан бигьа хьунтIиссар цила чIумал газ, электроэнергия ишла баврицIун бавхIусса масъалар­тту щаллу буллан. «Сочи-2013» инвестициярдал форумрайн Дагъусттаннал ларсун диркIссар 44 инвестициярдал проект 195 млрд. къуруширттансса ва 76 бизнес-идея 156 млрд. къуруширттансса. 33 инвестициярдал проектрал бур приоритетрал статус.
Сакин бувну бур «Предприниматель года» конкурс. Мунил мурад бур чIиримур ва дянивмур даражалул ишбажаранчишиврул ххуйми субъектру личIи бувну, ми хьхьичIунмай буллалаву.
Зий бур Дагъусттан Республика федерал программарттаву гьуртту шавриха. 2014 шинал пландалий бур республика кка­ккан дуван госкорпорациярттал инвестициярдал программарттаву – «РусГидро» ОАО-раву, «Роснефть» ОАО-раву, «Газпром» ОАО-раву ва цайминнуву.