[dropcap]А[/dropcap]прельданул 10-нний МахIачкъалалив Тарихрал музейраву тIиртIунни «Серия «Город» цIанилусса выставка.

Бадрижамал Аьлиева
Шикку ккаккиялун дирхьуну дия Дагъусттаннал ацIа художникнал (Алексей Августович, Юрий Августович, МахIаммад Къажлаев, ВRО, Оьмар ХIусайнов, Жанна Колесникова, Галина Конопацкая, Юрий Николаев, Мурад Халилов, ХIасбулат Юсупов) 70-нния лирчусса давуртту. Цинярдагу суратирттай чIалачIи бувну бур республикалул хъуншагьрулул оьрму.

МахIачкъала шагьрулул тарихрал музейрал директор Зарема Дадаевал увкуна:
— ХIакьину зул хьхьичIсса ва даву – 10 шинал дянив був­сса захIматрал хIасилли. Выставка – му муданмагу музейрансса аварасса, дакI гьалак дуллали­сса ишри. ХIакьинурив жущара ххал дуван бюхълай бур цимирагу никирал художниктурал давуртту – Дагъусттаннал сурат дишаврил мэтртуралссагу, миннащал архIал, жагьилсса автортуралмигу.
Бувна мукунма дакIнийх­тунусса ихтилатру Изобразительный музейрал директор СалихIат ХIамзатовал, искусствовед Татьяна Петенинал.

Выставкалийн бувкIминнал ххуйну кьамул дуруна художник МахIаммад Къажлаевлул «Ожидание» тIисса цIанилусса серия. Шикку авторнал дирхьуну дур хьхьичIвасса муххал ххуллул вокзалданул, цалва-цалва поездир­ттах ялугьлагьисса пассажиртурал суратру. Цува студентсса шиннардий учIайсса ивкIун ур художник шагьрулул вокзалданийн, миккусса пассажиртурал суратру дихьлан. Миннуя буслай, Зарема Дадаевал куна:

— Га чIумалсса къатри да­къар, бюхъай гай пассажирталгума къаливчIун бикIан, амма суратру лирчIун дур, хIакьсса суратру…
Выставка дикIантIиссар июньдалул 15-ннин.