Лакрал райондалул бакIчи Зураб Куччаевлул оьвкуну ва ванал кабакьаврийну ЦIушинал бигьалагай гьантрай Гъумукун бувкIун бия Лакрал театрданул коллектив. Райондалул магьирлугърал къатлуву уква ккаккан бунни кIива спектакль: оьрчIансса «Ччитул къатта» ва хъуниминнансса «Малла Насруттин». Ва иширал чIарав бавцIуну бия 1975 шинал Гъумучиял школа къуртал бувсса МахIаммад Маккиев, Буниамин МахIаммадов, Низами МахIаммадов, Сайпулла Рамазанов, МахIаммад Апанниев, Ансар...
«Хияллал елка» тIисса щалагу Аьрасатнал ихIсандалул акциялул лагрулий Лакрал райондалул бакIчи Зураб Куччаевлул щаллу бунни ПатIи БахIаммадовал мурад. «Хияллал елкалийн» мурад тIайла буклай, душнил чIа увкуну дия «сюрприз», конверт ливкнал цала язи дугьан риртун бахшиш, Зураб Куччаев шавай увкIун, пишкаш дунни душнин цIушинал бахшиш. Жап увкунни ПатIищал ва ванил нитти-буттащал. ЧIа увкунни ЦIусса шинаву ххаришивуртту...
ЦIусса шинал хьунийн Лакрал райондалул бакIчи Зураб Куччаев ивунни къуллугърал бурж биттур буллай оьрмурдацIа хьусса низам дуруччай органнал зузалтрал кулпатирттачIан. Ванащал бия Аьрасатнал МВД-лул «Лакский» МО-лул каялувчинал хъиривчу МахIаммадхалил Аьлиев ва штабрал каялувчи МахIаммадзакир МухIадов. Зураб Куччаевлул дакIнин бивчунни агьалинал мюхчаншиву дуруччаврил ххуллий жанну дуллусса полициялул зузалт. ЦIушинал ссайгъатирттащал бунни арцуйнусса кумагругу. «Жун тачIав дакIния...
«Ёлка желаний» тIисса щалагу Аьрасатнал ихIсандалул акциялул лагрулий ДР-лул Халкьуннал Мажлисрал депутат Марат Илиясовлул ва райондалул депутат Амир Илиясовлул бартбивгьунни ларгсса шинал хасъсса аьралий операциялий Ватандалул мурадру буруччаврил ххуллий чувшиврий жан дуллусса ХьурукIуллал шяраватусса Рустам МахIаммадовлул душваврал чIа кусса мурадру. Ссурвал барчагу бан, вайннан арцуйнусса кумаггу бан увкIун ия Мансур Илиясовгу. Суратрай Амирва Мансур Илиясовхъул
Елкалул байрандалия махъ, райондалул администрациялул актовый залдануву хьунни «Ёлка желаний» тIисса щалагу Аьрасатнал ихIсандалул акция. Ванил лагрулий хьунни оьрчIал мурадру биттур буллалисса аьдатсса батIаву. Шиккува кIицI бан, Украиннал аьрщарай хасъсса аьралий операция байбивхьуния шинмай ва акциялуву хъунмур къулагъас дуллай бур Ватандалул мурадру буруччаврил ххуллий талатисса аьралийтурал оьрчIах. Райондалул администрациялул ва идарарттал каялувчитурал щаллу бунни «Мурадирал...
ЦIусса шинал бухкIуллий Гъумук хьунни аьдатравун дагьсса Елкалул байран. Ваний гьуртту хьунни райондалул бакIчи Зураб Куччаев, ДР-лул Халкьуннал Мажлисрал депутат Марат Илиясов, идарарттал каялувчитал ва зузалт, шяраваллал бакIчитал, дуклаки оьрчIру. Зураб Куччаевлул, бавтIми барча буллай, кIицI лавгунни район хьхьичIуннай шаврил ххуллий ялун нанисса шинаву яла агьамну ккаклакисса мурадру ва сиптарду. Умуд бивхьунни, хасъсса аьралий операциягу...
Ларгсса шинал ахирданий, ца-кIива зурул хьхьичI, Ккурккуллал шяраву Сулаймановхъал ва КьурбанмахIаммадовхъал кулпатирттал дянив аьрщарал ялув бяст-ччал багьунни. Мунил хIакъираву Лакрал райондалул бакIчинайн бувксса КьурбанмахIаммадовхъал гъан-маччаначIан Зураб Куччаевлуя укунсса жаваб дуркIунни: «ХIурмат бусса Ккурккуллал жямат, Тимур КьурбанмахIаммадовлул гъан-маччамий! На личIлулну ххал бав ттучIанма бувкIсса ва социал сетирдаву бивщусса, хасъсса аьралий операциялул гьурттучи, Жуковлул ордендалун лайкь хьусса...
Зураб Куччаев хьунаавкьунни Хьурттал ва ХьурукIуллал жяматращал. Хьунабакьаврий гьуртту хьунни райондалул бакIчинал цалчинма хъиривчу Абубакар Къюннуев, райондалул собраниялул хъунама Явсупи ХIамзаев, идарарттал каялувчитал, шяраваллил депутатътал ва актив. Хьурттал шяраваллил бакIчи Сурхай Бариевлул бувсунни шяравусса тагьардания. Ххал бигьлагьисса агьамми масъалартту бия: агьалинал ишла дуллалисса аьрщи кадастрданул сияхIрайн ласаву; хIачIайсса щин диял хъанай дакъашиву; аьрщи арендалий дулаву;...
Жул дянив ца яла бусравмур ДакIнийхтуну барча дуллай буру жулва коллега, дакI-аьмал хъинсса, гьарцаннащал хIал бавкьусса, цума-цанналгу чIарав бацIан махъаллил бакъасса, цила дуллалисса давриву усттарсса, мукъуй цIу бусса, бивзний ша бавкьусса Зинфира ХIажиевал юбилей. Зинфира коллективрал дянив хьхьичIуннугу, ххиранугу буссар. «Илчи» кказит тIивтIуния шинмай Зинфира хIура къавхьуссар цинна ххира хьусса даврия. Ванил биялсса бутIа буссар...
Ларгсса шинал ахирданий дурунни Лакрал футболданул тIуркIурдал ца бутIану хъанахъисса Сурхай-ханнал Кубокрал цIанийсса футболданул турнирданул хIасиллу. Декабрьданул 30-нний финалданий ТIюхчардал команда ххув хьунни ЧIяйннал командалуяр 4-2 счетрай. «ТIюхчар» хьуссар Сурхай-ханнал Кубокрал чемпион. Командалул тарихраву ва хъанай дур ванил цалчинсса трофей. Кубок командалухьхьун тапшур бунни Марат Илиясовлул. «2025 шинал Лакрал Лигалул яла хьхьичIунма тIуркIучинан» тIисса награда...
