Хар-хавар бакъасса апатI савав хьуну, оьрмулул дурагу 39 шинаву жуятува батIул хьуссия, ваца аьщун куна, гьарца чулуха оьвхъусса, итххявхсса инсан, культуралул аралуву чIявуссаннан итталусса пишакар, Дагъусттаннал телевидениялул зузала, Ибрагьиннул арс Къараев Казбек. Махъ бакъа, Заннал биялсса пагьму буллусса инсан ия Казбек поэзиялул чулухагу. Ванал кIунттила дурксса, цирдагу лакку мазрай ххуйну дагьан дурсса (Лаккуяту яувцун яхъанай...

Июньдалул 5-нний Донецкалий Жагьилтурал къатраву хьунни «Диалог на равных» тIисса, ялун нанисса ник патриот зумуну тарбия даву мурадрайсса мероприятие. Ва хас дурну дия цала кьянкьа­шиврийну ва чувшиврийну бусалдаравун агьсса СВО-лул цалчинма Аьрасатнал Виричув НурмахIаммад ХIажимахIаммадовлун. Вара кьини Донецкалий НурмахIаммад ХIажимахIаммадовлул цIаний­сса майданнивгу тIир­тIунни Виричувнан хас дурсса мемориал объект. Шикку майданнивсса чIирайн лархъунни НурмахIаммадлул сурат. Ва...

КIива чIивисса электростанция Июньдалул 1-нний Дагъусттаннай кIива мюрщисса электростанция тIивтIуссар. Вай станциярдугу бувссар «Самурэнерджи» компаниялул Самурдал гидроэлекстростанциярдал проектрайн бувну. Ца станция – Докузпаринский райондалийсса Кавалар тIисса шяраву зун бивкIссар, 2025 шинал буллай байбивхьуну, арулва зуруй бувссар цуппагу. КIилчинмур станция Ахттиял шяраваллил чIарав зузи бувссар. Аьрасатнаву ва энергосистемалий зузи бувсса цалчинсса бургъил электростанцияр (гибридная солнечная электростанция)....

Дагъусттаннал ХIукуматрал председательнал буржру биттур буллалисса МахIаммад Рамазанов ОьрчIру буруччаврил кьини ивунни Избербаш шагьрулийсса 7-мур ОьрчIал къатлувун. Ва идаралул зузалтрал ва оьрчIал хьхьичI махъ лахълай, ванал кIицI лавгунни оьрмулул хъуниминнан ва кьини хьхьичIра-хьхьичI хъанахъишиву оьрчIал бучIантIимунил ялувсса жаваблувшинна дакIнин дутлатисса кьинину, урчIва оьрчIал ппу хIисаврай цанма ва кIану ххуйну бувчIлачIишиву, оьрчIру буруччаву обществалул ва билаятрал...

  Гъилишиврущал, ранг-рангсса уртту-тIутIащал жулва ­оьрмулуву ва чIумал ххи шай ущу-щулгъилиясса нигьачIавугу. ЦIуллу-сагъшиврун зарал биян байсса ущу-щулгъилувух бур суцIругу. Вай сававну лахъайсса азарду чансса дакъар. Мунияту жува цал ххишалану мугъаятну бикIан багьлай буру, лухччинийсса бигьалагаву, паркравунсса сайр цIуллу-сагъшиврунсса заралну къабацIаншиврул. * * * СуцIурдин ххирассар хъатру, ццунсса ва лахъсса ххяххия. Мунияту вай лахъансса бази чIявуми...

Июньдалул 1-нний Дагъусттаннал бакIчинал буржру биттур буллалисса Федор Щукин ивунни С-М. Оьмаровлул цIанийсса Республикалул перинатальный центрданийн ва Республикалул оьрчIал клиникалул азарханалийн. Перинатальный центрданий ванал яхши-хаш бунни хIакинтуращал ва цIуну дунияллийн бувксса оьрчIал ниттихъащал. ХIакинтурал ванахь бувсунни ва центр тIивтIушиву 2017-ку шинал, шиккусса отделениярттая, мукунма ва центр ччяни дунияллийн бувксса (недоношенные) оьрчIан ларайсса технологиярттал медициналул кумаг...

ОьрчIру буруччаврил кьини – яргсса асардал, хъиншивурттал ва чанна лархъсса симаннал байранни. Печатьрал ва информациялул актовый залдануву дакIний личIансса байран дунни республикалул оьрчIансса «Орленок-Дагестан» кказитрал редакциялул. Хъамаллураву бия ва кIицI лавгсса кказитрал чялишсса юнкорталгу, активистъталгу, вайннал нитти-буттагу. Бия журналистътурал оьрчIругу. Мероприятие дачин дурну бия кказитрал юнкор МахIаммадбашир Мазгаров ва медиапедагог Оксана Рауде. ОьрчIру барча бан...

ХIурмат лавайсса ватанлувтал! Хъинну чансса бакъа къа­лякъинтIиссар хIакьину, лакрал халкь кунма, щалагу дунияллийх кIама бивщусса. Аьрасатнал паччахIлугърай махъра-махъ дурсса переписьрайн бувну, лакрал аьдад ккалли хьуну дур 180 азара инсан ушиврун. Минная лакрал аьрщарай мина дирхьуну яхъанахъисса ливчIун ур 4000 инсан, махIаттал къашарув 1580 кв. км дусса аьрщарай агьлу бухлавгун, 140 азарда гектар аьрщарал вахIши хьуну...

Дагъусттаннал парламентрал хъунама Заур Аскандаровлул Республикалул оьрчIал азарханалул онкогематологиялул ва химиотерапиялул чIава къашайшалтрачIан ивну, вайннайх ссайгъатру бавчIунни. ОьрчIащалсса, нитти-буттащалсса ва медициналул зузалтращалсса ихтилатраву ванал кIицI лавгунни, захIматсса цIуцIаву дахчусса оьрчIру хъин буллалисса кулпатирттал чIарав чара бакъа бацIлан аьркиншиву. «Хъуннасса даву дуллай бур хIакьину хIакинталгу, дакI цIуцIаврий оьрчIал цIуллушиврул ялув бавцIуну. ХIукуматралгу аьркинсса медикаментирттал ва уттизаманнул...