Новость на родном

Аькьувалул ва яхIлил 872 гьантта

Бувара школардайгу, ичIувагу эксперимент: цIуххара оьрчIахь Ленинградуллал блокада цирив, цуксса чIумул мутталий лахъи ларгссарив. Хаварвагу бакъассагу лякъинтIиссар. Школалий дарсирдай ягу кинораву чан-кьансса затру кIул хьуссагу буссар, гьай-гьай. ЦIана мукунми темардах ва киносуратирттах къулагъас дуллалисса оьрчIру укунмагу чанну бушивруцIун, ялу-ялунгу чан хъанантIиссар. Тик-токралми хьхьичIун ххяхлай, бунияласса иширттаясса темарду къулагъас чан хьуну личIлай дунутIий. Совет билаятрал агьалинал...

Новость на родном

Аьралий дустал дакIнин бивчунни

МахIачкъалалив ва Каспийскалий Росгвардиялул управлениялул подразделениярттаву хьунни Къизлярдай ва Хасавюртуллал райондалийсса Первомайское шяраву оьсса бала хьуну 30 шин шаврин хас дурсса мероприятияртту. Шикку гьуртту хьунни Аьрасатнал Виричу, Дагъусттаннал Мюхчаншиврул советрал секретарь МахIаммад Баачилов, Росгвариялул региондалул управлениялул хъунама, полковник Вадим Кузнецов, ванал хъиривчутал, хасъсса подразделениярттал командиртал ва зузалт, къуллугърал ветерантал.Тай иширттаву гьуртту хьусса МахIаммад Баачиловлул дакIнин...

Новость на родном

Дагъусттанлувтурал чувшиву дунияллул СМИ-лий

Январь зурул 24-нний МахIачкъалалив Октябрь революциялул каналданувун багьсса машиналува нину ва оьрчI ххассал буллалисса видео социал сетирдай хъинну машгьурну дия. Мяйжаннугу, чувшиву ккаккан дунни ххассал бувминнал, кIюласса муххал турбалийх лавхъун, лултту бувккун нанисса машиналува таксистнал уллусса чIивитIу уккан унни. Ххассал буван ххявхминнавасса цаннал, щинавун агьарчангу тIий, яннагума лирккун дия цаятура та микIлачIру дусса кьини. ЧувшивручIа...

Новость на родном

Бюхттулсса зунттава – куртIсса шахталувун

Ттигъанну мукьцIал лавхъунни Шахьуйннал шяравасса, архсса Кемероволий ялапар хъанай ивкIсса, Аьлиев МахIаммад Нажмуттиннул арс аьпалухьхьун лавгун. Ца Хъунасса Заннан бакъа, щинчIав ва тачIав кIулну къабикIай махъра-махъмурну цумур хьунабакьаву, цумур гъалгъа ягу калима хьунтIиссарив. МахIаммадлул ва ларгсса гъинттул шяравунсса аьрххигу, гъанчувнащалсса ва шяраваллил инсантуращалсса хьунабакьавугу ляркъунни махъра-махъсса. Лакку кIану, буттал шяравалу, шяраваллил жямат хъинну ххирассия МахIаммадлун,...

Новость на родном

Лялиян дан къашайсса ххаришиву

ХIакьину, жула лакку мазрал тагьар ссайн дирну дуссарив пIякь бивкIун чIалачIисса чIумал, ниттил маз кIулминнал ва къакIулминнал дянивсса тапаватшиву гьантта бувккуну хъунна хъанай нанисса чIумал, ва му оьсса процессран банмургу, битанмургу, цалсса, щищачIав лякъин къабюхълахъисса заманнай, лакку мазрал грамматикалия, орфографиялия, тIайлану ва бавккуну чичаврил кьяйдардая жущава ттигу профессионалнал даражалий гъалгъа тIун хъанай бушиву – му,...

Новость на родном

Аьркинссарив лакку мазран орфографиялул реформа?

Цумур-бунугу мазрал цалийн дурцусса, мазраха зузими ца маслихIатрайн бучIаврийну кьамул дурсса чичрулул кьяйдардайн орфография учайссар. Орфографиялувун духхайссар гъалгъалул чIурду буквардайну ккаккан баврил правиларттугу, махъру калимарттая ва мяъна цасса бавзу мукъурттия личIи баврил махъ чичайни хъуни хIарпру ишла даврил правиларттугу. Орфографиялул правиларттащал архIал дуллуну дикIайссар пунктуациялул правиларттугу. Миннуву бувсун бикIайссар мяъналул чулуха дузалсса текст сакин бавриву,...

Новость на родном

Насрулийсса назмурду

Мазяйхъал Казбек ЧIахIлул щютIуххи НувчIа чарил хъархъаллай Хъинну дакьай банавша, Ттул чIахIлул щютIуххуллив Гъалгъа тIутIи дай тIутIив, ТIутIив гьай-гьайтIи дурну, Балай тIутIи дай уртту. Агь, ттул чIахIлул щютIуххий, бачу, уча ца балай, мякьну дурча ва ттул дакI ми вил хIикматсса чIурдах. Бунугу ттул дакIнива къявхъ тIий хIасратрал щатIи, ина, чIахIлул щютIуххий, нани да виватура вити-тирхсса...

Новость на родном

Проектрал хIасиллу дунни

Вай гьантрай «Дагестан» РИА-лул редакциялий хьусса пресс-конференция хас дурну дия «Сказочное наследство» тIисса кIулшиву дулаврил ва культуралул проектрал лагрулий дурсса даврил хIасиллан. Миллатрал фольклор ябаву мурадрай, ттизаманнул мультимедиалул сурсатру ишла дурну зузи дурсса проект дузрайн дуккан дурну дур Дагъусттаннал бакIчинал грантирттал кумаграйну. Дагъусттаннал Анимация ва кинематография хьхьичIуннай давриха зузисса фондрал вакилтурал бувсунни проектрал хьхьичI бивхьусса...

Новость на родном

Поэзиялул гьавасравун бивчуми

«Дагъусттан – шаэртурал билаятри». Ва халкьуннал шаэр Расул ХIамзатовлул чIяруну тикрал дувайсса калима республикалул визит карточкану хьуссар. Дагъусттаннал рувхIанийсса аваданшиврул, культуралул ва литературалул ирс-ххазиналул лишанну хьусса. Ва калималул анжагъ республикалий гьунар бусса чIявусса автортал бушиву ккаккан къабуллалиссарча, жула халкьуннал оьрмулуву ва культуралуву поэзиялул личIиссава кIану бугьлагьаврий чIурчIав дуллалиссар. Дагъусттаннал чIявусса шагьрурдай ва шяраваллаву, личIи-личIисса оьрмулул...

Новость на родном

ЦIу лещан дурну дур

Дагъусттаннал Росгвардиялул управлениялул вневедомственный къаралданул зузалтрал лещан дунни Къизилюртливсса объектрацIух ларчIсса цIу. Патрульданул маршрутрай заназисса зузалтран хIисав хьуну бур Россельхозбанкрал къатлул гьанусса зивулия нанисса пуркIу. Банкрал зузалтгу мугьлат бакъа къатрава буккан бувну, цIу лещан дуллан бивкIун бур. ЦIу лещан дай къуллугърал зузалт бучIаннин вайннаща бювхъуну бур цIу ппив хьун къаритан. Росгвардиялул зузалтрал хIарачатрайну инсантуран ва...

Свежий номер

№11 Илчи 2026