Ризкьичитуран – ххалал КАМАЗ
Хъунисса марххалтталу ливчIун, лазундарал хъирив гьан-бучIан къахъанахъисса Лакрал райондалул архсса щархъал ризкьичитуран кумагран ДР-лул виваллил иширттал министр Аьбдурашид МахIаммадовлул тIайла бувккунни ххалащалсса КАМАЗ.
Бувккунни Буршайнсса ххуллугу
Хъунисса марххалттал ттукIрал тталлу кьат бувну, ххаллу руцари дурну, мукьра метралийн бивсса зунчардиха уккансса чарангу бакъа, архсса Буршиял шяравалу лирчIун дия дунияллущалсса дахIаву дакъа.
Ва тагьарданий гьан-бучIансса сант дакъа зун бюхълай бакъая ххуллул ва электросетирдал зузалтраща.
Ххуллул техникалущал бувкIсса полициялул зузалтрал кумаграцIух зунчардицIа марцI буккан бунни ххуллу. Му бакъассагу, вайннал кумаг бунни лахъа-учIан захIматсса кIанай ттукIрал тталагу цIакь бувну, ххаллу дарзуну, шараваллил агьалинан чани булун.
Буршиял шяраваллил жямат барчаллагьрай бур захIматсса шартIирдаву зий бивкIсса ххуллурдал, электросетирдал пишакартурайн ва вайннан кумагран бувкIсса полициялул зузалтрайн.
Зулайхат Тахакьаева
