Зунттава лак арнил к1анттайн бизан баврицIунсса хъювсулсса пикрирду. Лакран 1944 шин къиялул, аькьувалул ва дардирдал дайдихьуну хьушиву хIакьину цинявннанмагу исватну чIалачIисса зат бур. Дяъвилул цIараву кунна, 27 шяравалу лекьа-пIякьу шаврияр, 1200 (1600 т1исса х1уччардугу бур) вилах лещаврияр кьурчIисса ци бикIайссар миллатрал тарихраву? Изан увсса 6 азара инсанная шанна шинавун 2 азарунничIан ивсса ливтIуну бур. Зулмулий...
Дагъусттаннал Росгвардиялул управлениялул хъунаманан кIанайсса полковник Антон Зуевлул дуллунни паччахIлугърал ва ведомствалул чулухасса наградартту къуллугърал бурж бартбигьлай ххуйсса ккаккияртту чIалачIи дурсса кIанттул органдалул аьралитуран ва зузалтран. Къуллугърал бурж биттур буллай чувшиву ккаккан дурсса Управлениялул хIаписартуран дуллунни Жуковлул медальлу. Цаппара зузалт лайкь хьунни «За отличие в службе» тIисса 2-мур даражалул лишандалун.
АьбдулмутIаллиблул душ Кьурбанова Ххадижат-Кубра Оьрмулул 80 шинаву жуятува личIи хьунни дакI-аьмал авадансса инсан, уздансса хъамитайпа, Хьурттал шяраватусса АьбдулмутIаллиблул ва Таибатул душ Ххадижат-Кубра. Ххадижат бувну бур 1944-ку шинал Хьурив. Яла нитти-буттащал лавгун бур Ашттархан шагьрулийн. Дарсирдайн занази хьувкун, Лаккуйн бувкIун, цила ниттил ниттичIа яхъанай, буттал шяраву бувккуну бур 7 класс. Муния махъ къуртал бувну бур Гъумучиял...
Ца хавар бувсуна вай гьантрай ттухь ттула гьалмахчув, Гъумучатусса Аслан Аьлиевлул. Ва хавар ванахьгу бувсун бия 1969-ку шинал Москавлив жула цIанихсса аьлимчув Амир Амаевлул, вай цачIанма хъамалу бувкIсса чIумал – Аслангу, Амирдул хъабакIсса уссу Дандамаев АьбдурахIмангу. …1968 шин. Дахьва-дахьва къуртал хьуну бур Чехословакиянавусса ишру. Та чIумал Чехословакия, СССР бакIчисса Варшавский договорданува буккан ччай, жула хIукуматрайн...
ЧIяв жул чIаххуврай яхъанай буссия Исрапил ва Сапижат Кьубатаевхъал — авурсса кулпат. Вайннал бия 1 арс ва 3 душ – ХIанза, ПатIимат, Нурижат ва Уммукулсун. Вайннал бия ЧIяйннал жяматрал дянив хIурмат бусса, чIаххувращал хIала-гьурттусса къуш. ЗахIматрал сасан увсса ХIанза чIивисса оьрмулийва хIарачат буллалисса ия дуккавривугу, колхозрал давурттайгу. ЧIяйннал дянивмур даражалул школалий 1960-кусса шинал 10 классгу...
МахIачкъалалив кIюрххил чак буван мизитравун занай бивкIсса оьрчIан 700 велосипед пишкаш дунни. «МукьцIалва кIюрххил чак мизитраву» тIисса ва марафондалий гьуртту хьуну бур МахIачкъалалиясса ва лагма-ялттусса кIанттаясса 1500 оьрчI. ЦIубутIуй Муфтиятрал 100 оьрчIан дуллуссия бахшишру, амма къадирирми оьрчIан асар хьусса хIисав хьуну, вайннал хIукму бувну бур оьрчIру ххари бансса чаран лякъин, спонсортурайн буккан. «Зеленое яблоко» супермаркет,...
Март зурул мяйлчинмур кьини МахIачкъалалив, «Кегельбан» тIисса шадлугъру дай залдануву, хьунни Рамазан зурун хас бувсса лакку хъаннил мажлис. Лакрал райондалул имам МухIаммад Майрановлул сипталийну ва мажлис хIадур бувну бия Муфтиятрал просвещениялул Мах1ачкъалаливсса хъаннил отделданул вара просвещениялул Лакрал ва Ккуллал районнайсса отделлал душваврал. Найбунува кIицI лаганна, та заманнай къакIулли, уттизаманнул тарихраву лакрал хъаннил укун лахъа-хъунну Рамазан...
Кулпатрал шинан хас дурсса мероприятиярттал лагрулий ЦIуссалакрал райондалул КIулшиву дулаврил управлениялий хьунни мукьва ва ххишаласса оьрчIру бусса, дуккаврил ххуллий хъунмасса захIмат бивхьусса педагогтуращалсса хьунабакьаву. Кулпатру буруччаву ва кулпатирттал рувхIанийшиву кьадру-кьиматрай думур ядаву мурадрай Аьрасатнал Президентнал гьашинусса шин Кулпатрал шинну баян бунни. Хъунмур оьрму оьрчIан кIулшиву ва тарбия дулаврин хас бувсса, республикалул ва региондалул даражалийсса конкурсирттай,...
Хъаннил байрандалул кьини ЦIуссалакрал райондалул бакIчи МаматIи ХIамзатов ва ванал хъиривчув бивунни Аьрасатнал Виричув Исяев Мутай Закириновичлул нину Язимат АхIмадовачIан. Вай гьантрай Язиматлун барт лаглай дур 84 шин. Бувсса кьинигу, Хъаннил байрангу барча дуллай, МаматIи ХIамзатовлул буллуна ванин тIутIал кацI, арцуйнусса бахшиш ва чIа увкуна цIакьсса цIуллушиву. Райондалул бакIчинал Язиматлухь барчаллагь увкуна Виричувсса арс тарбия...
Дунияллийцири хъаннил дакIру ххари дувай бахшиширттал, хъинсса мукъурттил, тIутIал кацIурдил. Хъаннил байрангу, ялун нанисса Кулпатрал кьинигу барча дуван Ккуллал райондалул Культуралул ва бигьалагаврил центрданий хьунни ххаллилсса концерт. Ва байрандалийн магьирлугърал зузалт унгу-унгуну хIадур хьуну бия – фойе чIюлу бувну бия тIутIайну ва суратирттайну, ккаккан дуллай бия барча бавурттащалсса, балайрдащалсса видеороликру, волонтертал бия гьарцагу хъамитайпалун тIутIал...
