Тталаткьини, февраль зурул 18-нний, цIу миналийсса ЦIуссаккуллал «Непоседа» тIисса оьрчIал багъраву, хьунни Лакку мазрал кьинилун хас дурсса мероприятие. Зал чIюлу бувну бия байрандалун лавхьхьуну. Ккаккиялун дирхьуну дия нукIура жула халкьуннал ичIура ишла дуллай бивкIсса тIахIникIичIу ва цаймигу кьай-кьуй. Лагмара лархъун дия ниттихъал буттукьирттавасса цаннияр ца авурсса чалагъайрду. Мажлис бачин бувмигу, сайки цинявппа зузалтгу эмаратсса чалагъайрдаву...

Февраль зурул 28-нний 3 шин хьунтIиссар МахIмуд Чаннановлул чувшиврий жан дуллуну. Февраль зурул 17-нний Каспийскалий, Анвар Аджиевлул цIанийсса 12-мур гимназиялий, чувшиврий СВО-лий жан харж дурсса Чаннанов МахIмудлул «Виричунал парта» тIитIлатIисса мероприятие хьунни. ДакIнийн бутанну, Маликлул арс МахIмуд Ккуллал шяравасса ушиву, СВО-лий жан дуллусса цалчинминнавух ушивугу. 2022-ку шинал, февраль зурул 28-нний Харьковрал областьрай Купянск тIисса шагьрулийсса...

Дагъусттаннал спортсмен Ансарияв Мусаевлул кIилчинмур кIану бувгьунни Армрестлинграл Дунияллул Кубокрай мушакъатсса атлетътурал дянив. МахIачкъалаллал спортрал адаптив школалий ка дишин лахьлахьисса жагьил гьурттуну ивкIссар Аьрасатнал командалувух. Мусаевлул дурххуну дур арцул медаль 100 килорал кIушиврий. Спортсменнал тренерну ур Оьмар Нуруттинов. ХIасан Аьдилов

МахIаммад Аьбдуссаламов ва Шамала Салимова тхеквондолул Аьрасатнал цачIундур командалуву ххув хьунни Аьрабусттаннал ЦачIунхьу Эмиратирттал Фуджейра шагьрулий хьусса Дунияллул халкьуннал турнирданий. Арамтураву 74 килорал кIушиврий Аьбдуссаламовлущал лаянсса цучIав къавхьуну ур. Салимова тIурча, лавхъун бур пьедесталданул яла лахъмур шачIанттуйн 49 килорал кIушиврийсса душвавраву. Амина Багадзиевал дурххунни чарвитул награда 63 килорал кIушиврий.

ЛачIун буккаврил Дагъусттаннал юниортурал цачIундур командалул СКФО-рал Первенствалий командарттал дянив цалчинмур кIану бувгьунни. Бяст-ччал хьунни Хасавюрт шагьрулий. ХIамид ХIамидовлул цIанийсса Спортрал къатраву хьусса турнирданий лачIунбувккунни 300 спортсмен 10 категориялул кIушиврий. Миннувасса 7 категориялий ххув хьунни Дагъусттаннал лачIунбуккулт: ХIусайнхIажи СалихIов (57 кило), Адлан Сайтиев (61 кило), Сергей Клименко (70 кило), АьбдурахIман Аьбдуссаламов (74 кило), Юсуп Шаипов...

Вай гьантрай МахIачкъалалив хьунни UFС-лул хIала-ккаласса бияврил Республикалул турнир. Цала кIушиврул спортсментураву цалчинсса кIану бувгьунни Ккурккуллал шяравасса АхIмадлул ва Якьутлул арс Назир Чупаловлул. МуницIун ванал ияврил техникагу яла ххуймурну ккаккан дунни. Спортрал ххуллул байбихьулий Назир лачIун буккаврихун агьну уссия, ва журалул спортрал тIиртIу турнирдай цимилагу ххув хьуссия. Махъсса ппурттуву ванан цала хIал, бюхъу хIала-ккаласса бияврил...

Ларгсса нюжмардий А.-П. Салаватовлул цIанийсса Къумукьнал театрдануву республикалул парламентрал каялувчи Заур Аскандаровлул кабакьаврийну хьунни захIматну къашавайсса оьрчIан кумагрансса «ЛяличIисса оьрчIал исповедь» тIисса цIанилусса концерт. Жу хьхьичIмур номерданий баян бувсса куццуй, ва даврил сиптачиталгу бия «Яхъанахъу цайминнайх хъиншиву дачIлай» тIисса фонд. Театрданул фойелуву цIуллушиврул нукьсансса оьрчIал дурсса суратирттал выставка дия, бавтIциригу ва выставка ххал дуллай бия....

Вай гьантрай МахIачкъалалив Дусшиврул къатраву хьунни ДР-лул БакIчинал ва ХIукуматрал администрациялул каялувчи МахIач Оьмаровлул хасъсса аьралий операциялул гьурттучи Закария Аьлиевлущалсса хьунабакьаву. Хасъсса аьралий операция нанисса кIанттурдай ватандалул мурудру буруччаврил ххуллий талан цала хушрай лавгсса сапер-разведчик машгьур хьуссар Запорожскаллал дяъвилий шанна нюжмардул мутталий я дукансса дукия, я хIачIансса щин дакъа, ккашин чимус канай, мякьлин водородрал перекись...

ЧIяйннал Магьирлугърал къатрал хъунмур СалихIат Алхасовал каялувшиндарай хьунни Интернационал бурж лахълай бивкIсса аьралийтурал кьинилун хас дурсса мероприятие. Шикку гьуртту хьунни Ккуллал райондалул «ЧаннацIуку» кказитрал корреспондент Арсен Аьбдуллаев, Чехословакиянал дяъвилул иширттал гьурттучи МахIаммад Эльдаров ва ЧIяйннал школалул дуклаки оьрчIру. Арсен Аьбдуллаевлул бувсунни Авгъан дяъвилул тарихрая. – Совет аьрал Авгъаннава бу­ккан бувну гьашину 36 шин там хъанай...

Февральданул 15-нний Ккуллал райондалул Культуралул центрданий хьунни «Эхо Афганистана» тIисса, Интернационал бурж лахълай бивкIсса аьралийтурал кьинилун хас дурсса мероприятие. Шикку гьуртту хьунни райондалийсса Авгъан дяъвилул ветерантал, райондалул администрациялул террорданийн къарщисса комиссиялул вакилтал, дуклаки оьрчIру ва идарарттал зузалт. Мероприятие дачин дурну ия Марсел Сулайманов. Мажлис тIивтIунни райондалул администрациялул бакIчинал хъиривчу Анатолий Давдиевлул. – Авгъаннал аьрщарай интернационал...