ЦIуссалакрал райондалул администрациялий хьусса ирглийсса батIаврий хIасул бунни Дагъусттаннал аьрщарайн ххявхсса дунияллул террористътал ххит бувну 25 шин бартлаглагисса иширан хас дурсса мероприятияртту хIадур дуллансса, ми тIайла дуккавриха зунсса сакиншиннарал комитет. Заседаниялул даву дачин дурну ия ЦIуссалакрал райондалул администрациялул бакIчи МаматIи ХIамзатов. Шикку ххал бивгьуна 1999 шинал ЦIуссалакрал аьрщарайн ярагъуннищал бувхсса къачагътал ххит бувну 25 шин...

Болельщикнал карта ласуншиврул гьан аьркинссар МФЦ-лийн ягу ванил отделениялийн. Зущалва ласун аьркинссар паспорт. Карта дузал даншиврул аьркинссар регистрация дуван «Госуслугардал» порталданий. «Мои документы» тIисса кIанай тиккусса зузалал рищунтIиссар сурат, ва суратри дикIантIисса болельщикнал карталийгу. Агарда зува документ ласлай бухьурча электрон журалий, зухьхьун карта дулунтIиссар ччясса мутталий. Болельщикнаща шайссар ласун 4 карта цалархIал. Ва карта дакъа...

Нуруллагь Оьмаров 60-кусса шиннардий уклай ивкIссар Дагъусттаннал цачIундур командалухлу муданасса командалул капитанну. Ва ивкIссар Аьрасатнал цачIундур командалул членну. Турнирданий гьуртту хьуна 15 арамтурал ва 11 душварал команда. Туплий буклай бия Дагъусттаннал цачIундур командалул члентал – Камил Жаватханов, МахIаммад Куба ва цаймигу. Судьятурал председательну ия Атай Жабраилов, хъунама судья – МахIаммад Чупанов (Хьуриятусса). Турнир сакингу дурну,...

КIулсса куццуй, ларгсса бигьалагай кьинирдая шийннай гъилахъаннин жулла республикагу гьуртту хъанахъиссар «Большие семейные выходные» проектравух. Ва проектрал лагрулий дакIний личIанну ва мюнпатранну кIилчинсса бигьалагай кьинирдур тIайла дуккайсса жулла республикалул хъун шагьрулий ялапар хъанахъисса оьрчIал, вайннал нитти-буттал ва республикалул хъамаллурал. Аь. Тахо-Годил цIанийсса Да­гъусттаннал Национальный музейравун ва ларгсса бигьалагай кьини бувкIсса цалчинсса хъамаллуран ккаккан дурна музейрал...

Капитальный ремонтрал программалул лагрулий МахIачкъалаливсса чIяву квартирарду бусса кIирайра къатрал лажин чул бакьин бан тIий бур. Му бакъассагу, И. Казака кIичIиравусса 122 «А» къатрал магъигу цIу дуккан дансса пикри бур. ЦIанасса чIумал подрядчиктурал организациялул бригадарду, цIусса магъи дишинсса хIадуршиннагу дуллай, подъездирттавусса бухсса чIавахьулттивгу ликлай бур. Акаевлул цIанийсса кIичIиравусса 9-ми къатраву къуртал дунни чIиртту дякъия кIучI...

Хъунмур редактор Хамис Шамиловал бувсуна журналданул дизайндалул хIакъиравусса дахханашивурттая, чIиви бувсса журнал канил бугьангу, буккингу, жущалва аьрххилий ласунгу къулайсса бушиврия. Дагъусттаннал Информациялул ва печатьрал агентствалул каялувчи Аьбдуразакь Жамалуттиновлул кIицI лавгуна, ниттил мазру ябуваврил ххуллийсса даврицIун, журналданул хъуннасса даву дуллалишиву республикалул культуралул ляличIишиву, кулпатирттал ирс-ххазинарду кьиматрай ябаврил цIанийгу. Презентациялий гьуртту хьуна Дагъусттаннал Информациялул ва печатьрал агентствалул...

Ттун цахъис балжину бусан ччай бур, щил ци учирчагу, совет заманнай хъунмур никирал жагьилтурах дакIцIуцIаврийсса къулагъас ва иширайнусса чIаравбацIаву диркIшиврия. МяйцIалку шиннардил махъбутIуй, Дагъусттаннал халкьуннал чичу Мирза Давыдовлул хIасул дурна творчествалул итххявхсса лакрал студентътурал ккуран. ХъунмурчIин студентътал республикалул вузирдаву дуклакисса бия. Бия шаэртал, балайчитал, композитортал, музыкантътал. Шинну агьалинал культуралух ччаву дусса, мякь бусса дия. Лакрал...

«Лекъащай цIуку» Мирза Давыдовлун 85 шин шаврин хасну. Июль зурул 12-нний Апанни Къапиевлул цIанийсса Лакрал театрдануву хьунни Да­гъусттаннал халкьуннал чичу, шаэр, прозаик, драматург, таржумачи, публицист, журналист, 50-нниха ливчусса луттирдал автор Мирза Давыдовлул 85 шинал юбилей. Ванил дайдихьу дуллалисса махъ лахълай, Дагъусттаннал Чичултрал союзрал председатель, халкьуннал шаэр Марина АхIмадова-Колюбакинал бувсуна, цуппа Чичултрал союзраву чIярусса шиннардий Мирза...

«Аьпалул багъ» акциялул лагрулий щалагу Дагъусттаннай Ватандалул цIаний жан дуллуминнал аьпа абад буван бувгьунни 2000-нния ливчусса мурхьру. Акциялувух хIала бувххун, аьпалул багъ тIивтIуна ларгсса шинал Ккуллал райондалийсса СунбатIуллал шяравугу. ХIакьинусса кьини Сун­батIуллал шярава хасъсса аьра­лий операциялий гьуртту хъанай бур 30-нния ливчусса къучагътал. Шама жагьилнал жан дуллуну дур, ца ятIа-тIар бакъа акъа хьуну ур. «Суннилу» тIисса...

Нитти-буттан цалва оьрчIру аьрщаравух бишин нясив шаврияр захIматсса зат цамур мабикIарача. ОьрчIалли нитти-буттахъул бучлан аьркинсса, амма оьрмулул, заманалул дур цилла низам, цилла кьанун. СВО байбивхьуну махъ Аьрасатнал цалчин­сса Виричу хьусса НурмахIаммад ХIажимахIаммадовлул нитти-буттангу багьунни жагьилшиврул ва хияллал нязаннив оьрму бяливчIсса арсналсса буллан. Тания махъ ларгунни кIира шин ва дачIи. Ва ххуллухьсса «Илчи» кказитрал хъамаличувнугу хьунни...