Ларгсса шинал ноябрь зуруя шихунай хасъсса аьралий операциялий Ватандалул мурадру буручлачисса Ккурккуллал шяравасса Гъазинал ва Зоял арс, 1-мур статьялул старшина Мурад Сагидов вай гьантрай лайкь хьунни 2-мур даражалул «За воинскую доблесть» медальданун. Калиново поселокрал даралуву операция нанисса чIумал нигьачIисса тагьарданий Мурадлул сант руртун дур подразделениярттал дахIаву дан, мукунма ФПВ дроннан ххуллу кьукьин. Ванал сипталий хьуну...

ЦIуссалакрал райондалий ОьрчIру буруччаврил кьинилун хас дурсса байран чIюлу дунни «Гурия» тIисса Пионертурал ва дуклаки оьрчIал къатлул (ДПШ) хореографиялул ансамбльданул. Резеда Мирзаевал каялувшиндаралусса ва ансамбльданун хьуну дур кьунияхъайсса шинну. Ва машгьурну дур райондалул кьатIувгу. Вайннал чIюлу дай райондалийсса циняв мероприятияртту. Ансамбльданул репертуардануву дур дунияллул ва Ккавкказуллал халкьуннал къавтIавуртту. Ансамбльданувун кьамул бай ххюра шинава 18 шинавун...

Бадави Рамазанов * * * Оьрмугу цIуцIаву бур ЦIимилул дакI думанан, НицIаяр нацIусса бур ДакIниву дард дакъанан. ЦIарал пиягьру ЧIюн бувайнал кюрщантру Ххалуйх лаххайсса кунна, ЧIюлу-чIюлуми махъру Ххал буллай, цачIун бував. ЧIюйннащал кIяла чIирттал КкурчIа-чIирах дакI дачIай, ЦачIун був мукъурттищал ДакI дачIинсса хьувивав? * * * Бургъил гъили дуркун МикIларчIсса лухччи, Лухччинува дурккун Дачай дараччи....

Мартрал ахирданий ва апрельданул дайдихьулий ларчIсса чIярусса гъараллу сававну жулла республикалул муниципалитетирттал ххуллурдан къачансса зараллу хьунни. Ттигу-шилагу вай бакьин буллалисса давуртту дуллайнма бур ххуллул зузалт. Зараллу бивсса хьуну дур 162 участок, цIананин вайннува бакьин бувну бур 147 участокрайсса ххуллурду, 15 участокрив цалсса ттигу тIиртIуну дакъар. Гъараллая махъ ххуллурду бакьин буллай зий бивкIссар техникалул 102 единица...

Ися МахIаммадов Ватандалухь Жул дакIурдил кашилул БакIщаращира ина, Жул талихIсса оьрмулул Гьанугура битавсса. Ина жул муданнасса Интра ва аьрщарайсса, Ххазинагура ина, Багьа бищун къашайсса. Дусшиврул цIакь хьун бувсса Къалагура ина жул, Цайми билаятирттан Эбратсса Ватангура. Ласланнав ина ттигу ЦIу-цIусса ххувшавуртту, ЦIусса чIумул бакIчийну Дачиншиврул хьхьичIуннай. Дагъусттан Жул пахру вицIунни, Вирттаврал минай, ЧIяву миллатирттал Дусшиврул кюруй....

МахIачкъалалив Р. ХIамзатовлул цIанийсса Национальный библиотекалий тIиртIунни Республикалул Халкьуннал творчествалул къатлул «Самородки» проектрал лагрулийсса «Зунттал рангру» цIанилусса выставка. Ванил ляличIишивугу дур шикку дирхьусса суратру ляличIисса оьрчIал каруннила дурксса душивруву. Тамашачитурал хьхьичIун ва ххуллухь дуккан дурну дур Хасавюрт шагьрулийсса «Спартак» цIанилусса Культуралул дворецрал гьанулий зузисса «Краски гор» арт-студиялийн заназисса, цIуллу-сагъшиврул ляличIишиву ­дусса оьрчIал дирхьусса 50 сурат....

UFC-лул чемпион Ислам МахIачевлул бувсунни цува бяст-ччаллий та уккан най уссарив. «КIулли августрай данди уккантIишиву. Амма щищаллив уттигу мяйжан бувну бакъассар. Навама хIадурну ура бяст-ччаллий уккан», – увкунни ванал журналист Вячеслав Аьбдуссаламовлухь. Апрельданий спортрая бусласисса СМИ-лул ва порталлал бувсуна МахIачев Ирландиянал боец Иэн Гэррищал данди уккан бюхъайшиву ва бияву августрай Филадельфиянаву UFC 330-лий хьунтIишиву. Ци-бухьурчагу,...

Дагъусттаннал ХIукуматрал председательнал хъиривчувнал буржру биттур буллалисса Муслим Телякавовлул каялувшиндаралу хьунни цIа дурксса, лайкьсса инсантурал ва тарихийсса иширттал аьпа абад баврил Дагъусттан Республикалул БакIчиначIасса Комиссиялул заседание. Шикку ххал бивгьунни республикалий ляличIисса ккаккияртту чIалачIи дурсса шама дагъусттанлувнал цIа абад даврил масъала: юстициялул советник ХIажи Мамедбековлул, республикалул халкьуннал шаэр Аьбдулла Дагановлул ва Аьра­сатнал Федерациялул лайкь хьусса художник...

Гьуртту хъанахъими: Ччиту КIива ччитул оьрчI Ччиту Василий Кьяца ЦIуку Ажари Ку АьнакIи Тта Хаварбусу Хаварбусу Тили-тили, тили-та ХIаятрав бюхттул къатта! ВичIи дишара, оьрчIрув: БивкIун бур, къабивкIун бур Дунияллий ца ччиту, ЛичIину аьламатсса, Махмурданул чIарасса. Цуппагу цайми кунма, Яхъанангу къаччисса, ЦIихълуй уттукъабихьлай, КIукIлусса шаний ччисса! Цинмасса чIиви тахлий ЯтIул виргъандалулу Къувлул кIукIлу кIараллий БакIгу ладикIан...