UFC-лул чемпион Ислам МахIачевлул бувсунни цува бяст-ччаллий та уккан най уссарив.
«КIулли августрай данди уккантIишиву. Амма щищаллив уттигу мяйжан бувну бакъассар. Навама хIадурну ура бяст-ччаллий уккан», – увкунни ванал журналист Вячеслав Аьбдуссаламовлухь.
Апрельданий спортрая бусласисса СМИ-лул ва порталлал бувсуна МахIачев Ирландиянал боец Иэн Гэррищал данди уккан бюхъайшиву ва бияву августрай Филадельфиянаву UFC 330-лий хьунтIишиву.
Ци-бухьурчагу, жула багьадура щищал майданнив уккарчангу, Чемпионнал ттугъ гьаз бувантIишиврийн вихну буру.
ДакIнин бутанну, МахIачев ларгсса шинал ноябрьданий Австралиянал Джек Дела Маддаленащал ччаллий увккун, ххув хьушиву ва дянивсса кIушиврийгу чемпионнал цIа ларсшиву.
ПатIимат Рамазанова
