Апрельданул 18-нний Аьрасатнаву кIицI лагайссар Тарихрал ва культуралул гьайкаллахасса аякьалул кьини. Ванил лагрулий жулла республикалул культуралул волонтертурал дунни субботникру. Тарихрал ва культуралул ирс, культура дуруччаву, вай мурадирттаха зузиминнал чIарав бацIаву хIисаврай дуллалисса давривух гьуртту хьунни «Культуралул волонтертал» тIисса жяматийсса суккушиндарал Региондалийсса сообществалул активистътал ва Культуралул министерствалийн багьайсса дуккаврил идарарттаву ккалаккими. Волонтертурал, низамрайн дурцуну, лази-лакьи дурунни...

ЧIяйннал школалул цIа бюхттул дан, щалагу Ккуллал райондалул кIулшивуртту дулаврил ххуллий хьхьичIунсса ккаккияртту чIалачIи дан хъунмасса захIмат бивхьусса учителли МахIаммадлул арс СултанахIмадов Аьбид. Увну ур Аьбид 1930-ку шинал ЧIяйннал шяраву МахIаммадлул ва Аминатлул кулпатраву. Школагу мусил медальданий къуртал бувну, МахIачкъалалив ­оьрус мазрал ряхва зуруйсса курсирдайн лавгун ур. Тай диркIун дур дяъвилия махъсса шинну, шко­ларттай биялну...

Федерал центрданул программалийхчил регионнал властирдал мюхтажсса инсантуран кумагран, хIаллихшиннарду ва пособияртту къахIисавну, хьун дуллай бур миннан арцу ляхълансса каширдугу. АхIвал кIюласса аьрасатлувтуран цала бизнес дачин дан кумагран паччахIлугърал дуллай бур субсидия – 250 000  къуруш, мунийн учай социал контракт куну. Вай масъаларттацIун бавхIусса гьарза-гьартасса ихтилат хьунни ттигъанну ДР-лул Халкьуннал Мажлисрал бюджетрал, финансирттал ва налогирттал комитетрал хъунама,...

Республикалул Халкьуннал творчествалул къатлуву хьунни «Народный (образцовый) коллектив любительского творчества Республики Дагестан» тIисса цIа тасттикь даву мурадрай­сса смотр. Ва хьунни хорданул «Ттул Ватандалул балайрду» тIисса конкурсрайн хIадур шаврил лагрулий. [dropcap]Р[/dropcap]еспубликалул шагьрурдая­сса ва районнаясса «халкьуннал» тIисса цIа дусса хорданул коллективирттан, вайннул балайрдащалсса видеороликру ххал дуллай, кьимат бишлай бия композитор, Дагъусттаннал Композитортурал союзрал председатель Рамазан Фаталиев, Дагъусттаннал...

Апрель зурул 21-нний МахIачкъалалив Буттал кIанттул цIаний­сса Хъунмасса дяъвилий Ххувшаву ларсун 77 шин шаврин хасну хьунни краеведтурал-следопытътурал телевизион кьюкьлул 51-мур республикалул слет ва патриот акция «Вахта памяти». [dropcap]М[/dropcap]ероприятие МахIачкъа­лаллал Хъун майданнив дайдирхьунни. Шиккун бавтIун бия Дагъусттаннал ХIукуматрал ва МахIачкъалаллал администрациялул вакилтал, жагьилтурал жяматийсса суккушиннардал активистътал, дуклаки оьрчIру ва кадетътал. Аьрали оркестрданул рурцу­сса макьаннахун щалагу колонна...