Москавлив чIявур стоматологиялул клиникарду. Ттулла ккар­ччалсса бувансса клиникалух луглай, на ми ацIваксса махъ кьабивтхьун­ссар, Аьшуев Жаруллагь Аьбдуллагьлул арсналмур клиникалий ацIаннин. Ттун хьхьичIвагу бавссия Новослободская кIичIиравусса 54-ми къатраву бушиву пулансса клиника.

Дурусну ца нюжмар лирчIун дур Сочилий ХХIII КIинтнил Олимпий тIуркIурду байбишин. Жулва билаятрай цалчинсса КIинтнил Олимпий тIуркIурду.

Январьданул 17-нний ттунгу багьуна Олимпиадалул цIурукIай ласун, амма МахIачкъалалив ласун аьркинсса цIурукIай ттун багьуна Белгород шагьрулул хъуними кучардавух ласун. Белгородрай 35 километралул манзилданий Олимпиадалул цIурукIай ларсун най бия 180 Аьра­сатнал цIа дурксса инсантал.

Лакрал Апанни Къапиевлул цIанийсса музыкалул ва драмалул театрдануву цIанасса чIумал щириркIуну най дур цIусса проектрал ялувсса даву. Театр хIадур хъанай бур тамашачитурал хьхьичIун «Кама­ллул Башир» цIанилусса халкьуннал бусалалийн ва Абасил МахIаммадул пьесалийн бувсса спектакльданущал буккан.

Июнь зурул 30-нний 1991 шинал Кьубиял хъуншяраву хъуннасса, такIуй дакъасса куццуйсса, уттарашинна дуссия. Му цурдагу жяматрал оьрмулуву цалчин хъанахъисса хъуннасса шадлугъ дия.

АХIМАДЛУЛ ДУШ Касаева КРИСТИНА Январь зурул 12-нний, авария хьуну, оьрмулул 31 шинаву дунияллия лавгунни Кристина. Кристина бия итххявхсса, аьчухсса, хъуниминнал хIурмат бусса, хъинну ххуйсса лакку душ, цинявннанмагу ххирасса.

Январьданул 20-нний Дагъусттаннал бакIчи Рамазан АьбдуллатIипов хьунаавкьунни республикалийн увкIун ивкIсса «Курорты Северного Кавказа» ОАО-рал гендиректор Сергей Верещагиннущал ва дунни респуб­ликалий туристшиврул кластер баврин хасъсса

Тамара Чиненная бивтунни Дагъусттан Республикалул Президентнал ва ХIукуматрал Прессалул къуллугърал каялувчину Т.Ю. Чиненная бувссар 1976 шинал МахIачкъалалив. 1993 шинал зий бивкIссар «Молодежь Дагестана» кказитрал корреспондентну. 1999 шинал хьхьичIунну къуртал бувссар ДГУ-рал журналистикалул отделение. 2003-2013 шиннардий зий бивкIссар ВГТРК-лий личIи-личIисса къуллугъирттай.

Январьданул 20-нний ДР-лул Строительствалул ва ЖКХ-лул министерствалул ххалдиргьунни Дагъусттаннал бакIчинал Халкьуннал Мажлисрайнсса Рисала.

ЦIуссалакрал райондалийсса ЦIуссамехельтIиял шяраву 2008 шинала цIусса школа буллай байбивхьуну буссия, оьрчIал багъ бивкIсса кIанттай цуппагу. Арцу диял къахъанай, му школа баврил даву лахъи ларгуна. Январь зурул 19-нний 250 дуклаки оьрчIансса цIусса школа тIитIаврил шадлугъгу