[dropcap]В[/dropcap]ай гьантрай Санкт-Петербурглив хьунни «Террорданийн къаршисса музыка» тIисса проектрал лагрулий дурсса хъуннасса агьамшиву дусса концерт.
Хас дурну дия концерт апрель зурул 3-ннийСанкт-Петербургуллал метролуву дурсса террактрай оьрмулуцIа хьусса инсантурал аьпалун.Террорданийн къаршисса музыкалул концертрал сакиншинначину ия цIанихсса режиссер, продюсер , жяматийсса ишккакку, гьунар бусса музыкант Фарил Каюми.
Имара Саидова
[dropcap]Д[/dropcap]унияллун нигьачIаву дусса террорданул иширттайн къаршину дуллалисса музыкалул концерт гьашину Санкт-Петербурглив цалчинни хъанахъисса. Ванияр хьхьичIсса кIира концерт хьуссия Московлив Кремлилул къатраву.
Петербургливсса концертрай гьуртту хьунни «Миррос» этно-джазрал коллектив, word music «SEVEN\EIGHT BAND» тIисса машгьурсса музыкалул группа, Турциянал цIанихсса музыкант Мисирли Ахмет, «Голос» шоулий цалчинсса кIану бувгьусса Селим Алахяров ва личIи-личIисса билаятирттаясса яла машгьурми музыкантътал ва балайчитал.
Концертрал мажлис бачин бувну бия Аьрасатнал лайкь хьусса артистка Анна Ковальчук. Укунсса, ларайсса даражалул концертрай гьашину шамилчинни гьуртту хъанахъисса Дагъусттаннал халкьуннал артистка Лариса ХIажиевагу. Ва даврил сакиншинначи Фарид Каюмил кIицI лавгунни террорданийн къаршисса музыкалул проектрал мурад дунияллий дакьаву ва миллатирттал дянив аслахIшиву дуруччаву бушиву. Ванал мукунма бувсунни концертрайнсса билетругу уквасса бивкIшиву, микку гьуртту хьусса цинявппа артистъталгу уква бувкIун бивкIшиву.
