ИчIува чIапунгу, къурув мухIирангу бакъасса.

Ккаччил дусри ттархь махъ дума.

ИчIува – хан,
кьатIув – хали.

Куц – барзул,
аькьлу – ххюнкIлул.

Ини бунал зузалай, хIан дунал хъамаличуй.

Инсантуравун ттур дутайсса оьсса чувнал мазралли.

Канил угьарчан, ка ччучлай, экьиутарчан, дакI ччучлай.

Къатта бавцуну махъ кьункьула дихьлай ур.

ИвчIаврия нигьа усларчан, ххув къахьунтIиссара.

Ккаччилгу сивсунайн хIап, нигьаусуйн хъап учайссар.

КъатIуща мурхь бахьлаган бан къашайссар.

КIуллун ччитугу аждагьа­ри.

ЛухIи хъатIуя къиргъу къашайссар.

Мурлу багьувкун къабивзсса ххит, яла къабизайссар.

Нигь кьадарнал уртакьри.

Нигь душманнал хьулий хьуннав.

Нигьаусул къинттуллу­хун­ни ккулла щайсса.

Нигьаусу цува итайссания, бюрх яла оьрму лахъимур бикIанссия.

Нигьаусу цала ххютлиягу ццах учайссар.

Оьккимур мабара, нигьагу маусара.

Сисаву хъинссар, бюхъугу аьркинссар.

Сивсума сагъну личIайссар.

Талатавривур виричу кIул шайсса.

ТтарацIув ччаргу кьадиртун, ччитри махь буллай.

Ттукку бувккун махъ, ттала бихьлай ур.

Уну хайр бакъаманаяту, акъа заралгу бакъассар.

Усттаргума бунагьралун агьайссар.

УрцIул кьини хъин виричу, чувнал кьини ппалав ухху.