[dropcap]А[/dropcap]прельданул 14-нний Дагъусттаннал парламентрал спикер Хизри Шихсаидов гьуртту хьунни Октябрьданул 50 шинал цIанийсса паркираву дуллай бивкIсса субботникрай. Экологиялул акциялий мукуна гьуртту хьунни мунал хъиривчу СайгидахIмад АхIмадовгу, вице спикертал МахIмуд МахIмудов ва Елена Ельникова, парламентрал циняв депутатътал ва цаймигу.
[dropcap]З[/dropcap]узиминнал макьу дакьин дуван бувкIунни паччахIлугърал технический университетрал балайчитал ва къавтIалт, ккаккан дунни ххуйсса концерт.
Парламентрал спикерналгу мунащал архIал бивзминналгу бувгьунни цIусса мурхьру, кIачIа хьусса мурхьирдал мархрайн аьрщи диян дурунни, кIяла дунни мурхьирдал ттарцIру. Яла Хизри Шихсаидовлул ихтилат бунни паркираву зузиминнащал ва бигьалаглагиминнащал.
Гара кьини Дагъусттаннал премьер-министр Артем Здунов гьуртту хьунни экологиялул марофондалий.
Министртурал кабинетрал бакIчи увккунни «Ттул документру» тIисса МФЦ-лул хIаятравух. Га кьини шикку зий бия МФЦ-лул, республикалул жагьилтурал министерствалул зузалт. Миннащал архIал зий, Артем Здуновлул бувгьунни цаппара мурхьру. Мичча премьер-министр лавгунни «Березка» тIисса шагьрулул пляжрайн. Тиккугу зий бия инсантал, хьхьирил зума цIинцIацIа марцI дуллай.
Субботникрал хIакъираву ихтилат буллай, ХIукуматрал председательнал бувсунни укунсса давуртту муданна дуллан аьркиншиврия. «Экологиялул марофон, так ца хIакьину дакъача, гьарца бигьалагай кьинирдай дулланну. Циняв цачIу зий, шагьру низамрайн буцинну», — увкунни премьер-министрнал.
