ХIажинал арс Эффендиев МахIмуди
Уттигъанну, захIматсса азаруннища ххассал къавхьуну, ахиратравун лавгунни ххаллилсса зунттал чув, ХьурукIратусса Эффендиев МахIмуди.
Увну ур МахIмуди ХьурукIуллал шяраву 1955 шинал июньдалул 1-нний ХIажинал ва Кабиратлул кулпатраву. Гъумук 8 классгу къуртал бувну, МахIачкъалалив увххун ур профтехучилищалувун. Гагу бувккуну, аьрали буржгу лавхъун, захIматрал ххуллу байбивхьуну бур цала язи бувгьусса пишалий зий. Ванал цала щала оьрму хас бувссар монтажник-сварщикнал даврин, «СевКавтехмонтажрай» зий ивкIссар пенсиялийн укканцIа, мукьцIаллахъул шиннардий.
Цала ххуйсса хасиятрацIун, дакIнихтуну бихьлахьисса захIматрацIун, цала хъинсса аьмалдануцIун бусраврай икIайва даврил уртакьтурачIагу, уссурссунначIагу, кIулминначIагу, щала жяматрачIагу. Уссия ххуйсса кулпатрал заллугу, хъинсса оьрчIал ппугу.
МахIмудил бивкIулул кьурчIишиву кIидачIлай, жижара буллай буру кулпатрахь, арснахь, душнихь, уссурваврахь, ссурваврахь, махъсса гъан-маччанахь цинявннахьвагу. Цал гьав нурданул дуцIиннав, алжаннул ххари аннав, махънал оьрмурдай барачат бишиннав. Амин.
ХьурукIуннал, Хьурттал, ЧIяйннал жямат
Минкаиллул душ Жамисат МахIаммадова
Апрель зурул 8-нний барз щаллу хьуссар ГьунчIукьатIрал шяраватусса Минкаиллул душ Жамисат аьпалувух бивхьуну. Цибанссар, Аллагьутааьланал чичру духьунссия мукунсса.
Жамисатгу алжаннул ххари баннав, гьав нурданул дуцIиннав, зулва оьрмурдай барачат бишиннав тIий, ванил бивкIулул къумашивугу кIидачIлай, жижара буллай буру Жамисатлул уссил оьрчIахь: Султанбеглухь, Маратлухь, Минкаиллухь, уссил кулпатрахь Шумайсатлухь. Цил бунагьирттал аьпа баннав, рухI хъинний, чурх кIукIлуний хьуннав. Амин!
Юсуп, Касират, РайхIанат, Гьидаят, Муъминат, ХIасан, Ира, Замира, Фатима, Фариза , Арслан, Далгат
