ОьрчIал лагерьдай диялдакъашивуртту ляркъуну дур

ОьрчIал лагерьдай диялдакъашивуртту ляркъуну дур

Июльданул 10-нний ДР-лул Роспотребнадзорданул управлениялий хьунни цаппара ведомстварттал цачIусса коллегия. Муний ххал бивгьунни оьрчIру бигьалагай лагерьдайсса тагьарданул хIакъиравусса масъала.

Коллегиялий гьуртту хьунни ДР-лул паччахIлугърал хъунмур санитариялул хIакин Элеонора Оьмариева, дуккаврил ва элмулул министр Уммупазил Оьмарова, цIуллушиву дуруччаврил министр Жамалу­ттин ХIажиибрагьимов, ДР-лул МЧС-рал управлениялул хъунама Нариман КъазимахIаммадов ва цаймигу.

Роспотребнадзорданул уп­рав­лениялул каялувчинал хъиривчу Лариса Пантинал бусаврийну, 2018 шинал гъинтнил оьрчIал лагерьдайн гьан тIий бур 13 азаллий 48 оьрчI-бакI, миннавату 289 – ятинтал, 7552 – къарцинсса тагьарданий ялапар хъанахъисса кулпатирттал оьрчI-бакI.
Республикалий зий бур 33 оьрчIал лагерь, миннувату 21 – стационарданул тагьарданий­сса, яни тиккува уттубишай­сса ва 12 школардацIунсса (пришкольные).

ОьрчIал лагерьду ххал дурну дур, тикку ляркъусса диялдакъашивурттайн бувну чивчуну бур 88 протокол 208 азарда къурушрансса, 8 материал тIайла дур­ккун дур судрайн.
Мува масъалалул хIакъираву махъ лавхъунни Уммупазил Оьмаровалгу. Мунил бусаврийну, лагерьду дакьин дувансса арцу диялну дакъа, му масъала уттигу дузрайн къабувкна бур.
Жамалуттин ХIажииб­ра­гьи­мовлул бусаврийну, сайки 8 зуруй лагерьдах къулагъас дуллай бакъар миннулсса буван аьркинминнал, яла ца барз ливчIсса чIумал байбишай лагерьдаха зий, мунияту диялдакъашивур­тту духлаган дуван къархьуну личIай оьрчIру бучIаннин.
Коллегиялий ихтилат­ру бунни мукунма Нариман Къа­зи­ма­хIаммадовлул ва Элеонора Оьма­риевал.

ХIадур бувссар
ХI. Аьдиловлул

Читайте также: