[dropcap]И[/dropcap]юньдалул 27-нний ДР-лул БакIчинал кIанайма Владимир Васильевлул дунни Дагъусттан Республикалий Антитеррорданул комиссиялул батIаву.

Муний ххал бивгьунни транспортрал объектру, муххал ххуллулссагу хIалану, террорданул иширттая дуруччаврил даража лавай баврил масъалартту. Мукунма ххал бивгьунни жагьилтурал дянив, дуккаврил идарарттаву, Дагъусттаннайсса чил билаятирттаясса студентътурал дянивсса терроризмалул профилактикалул масъалартту.

Антитеррорданул комиссиялул батIаврий гьуртту хьуминнал ихтилатирттах вичIи дирхьуну махъ кьамул бунни ми ма­съаларттан хасъсса хIукмурду ва республикалул каялувчинал ца­ппара организациярттал ва ведомстварттал каялувчитурайн дунни тапшурлугъру.

БатIаврий гьуртту хьунни ДР-лул ХIукуматрал председатель Артем Здунов, ДР-лул БакIчинал ва ХIукуматрал администрациялул каялувчи Владимир Иванов, ДР-лул Халкьуннал Мажлисрал председательнал хъиривчу Елена Ельникова, министерстварттал ва идарар­ттал бакIчитал ва цаймигу.

ХIадур бувссар
ХI. Аьдиловлул