Маэшатрал лябуккулул цIаний

Маэшатрал лябуккулул цIаний

Июньдалул 22-нний ДР-лул БакIчинал кIанайма Владимир Васильев гьуртту хьу­нни СКФО-лул субъектирдал социал-экономикалул лябу­ккулул иширттал хIакъиравусса батIаврий, Ессентукилий, Аьра­сатнал Ккавкказуллал ишир­ттал министерствалий.


Ххал бивгьунни «2025 шинайннинсса Ух­ссавнил Ккавкказуллал федерал округрал лябукку» тIисса АьФ-лул паччахIлугърал программа дузрайн дуккан даврил масъала.
Микку махъ лахълай, АьФ-лул ХIукуматрал Председательнал хъиривчу Виталий Муткол увкунни: «Байбивхьунни бюджетрал ишру, лахьхьу хьунни бюджетрал проектировкарттал ХIукуматрал коми­ссиялул цалчинсса батIаву. АьФ-лул Президентнал ХIукмулийн бувну, кка­ккан бувну бур национал мурад­ру ва дузал дуллай бур национал проектру. Му давриву кка­ккан буван аьркинссар СКФО-лул социал-экономикалул лябу­ккулул масъалартту».

АьФ-лул Ухссавнил Ккавкказуллал иширттал министр Сергей Чеботаревлул бусаврийн бувну, хIакьинусса кьини Ух­ссавнил Ккавкказуллал регионну, Аьрасатнал Ухссавнил Ккавкказуллал иширттал министерство ва отраслирдал министерствартту цукун зий бурив, мунийн хъар хьунтIиссар ялун нанисса 6 шинал жулла давурттал хIасиллу.
Миккугу паччахIлугърал кумагран ца къуруш итадаркьуну духьурча, дучIан аьркинссар чанна-чанну частный капиталданул кIира къурушгу. Ухссавнил Ккавкказуллал федерал округ­рал субъектирдал бакIчитурал махъру лавхъунни госпрограммардал лагрулий цачIара дуллалисса давурттал хIакъираву.

Читайте также: