[dropcap]В[/dropcap]ай гьантрай ФСИН-лул управлениялий хьунни Дагъусттаннал уголовно-исполнительная система сакин хьуну 98 шин бартлагаврин хас дурсса шадлугърал мероприятияртту.
Мажлис тIитIлай, ихтилат бунни УФСИН-лул хъунаманал цалчинсса хъиривчу Юрий Суздальцевлул. Ванал бувсунни Дагъусттаннал пенитенциар системалул тарихрая. Ва бигьа бакъасса къуллугърай зузисса цала коллегахъул барчагу бувну, барчаллагь увкунни цала къуллугърал буржру дакI марцIну бартбигьлай тIий.
Хъирив УИС-рал зузалт пишалул байрандалущал барча бунни ДР-лул Жяматийсса наблюдательный комиссиялул председатель Оьмар Оьмаровлул.
— Зул къуллугъ хъунмасса гуж багьлагьисса, ххишаласса кьянкьашивугу, жаваблувшинна ва ссавургу аьркинсса къуллугъ бур. Зул хIарачатрайну тIайла бавцIусса инсантурал ва миннал гъан-маччанал дакIнихтуну увкусса барчаллагьрал мукъурттил бишлашиссар зул даврин яла лаваймур кьимат, — увкунни ванал.
Зузалт барча буллалисса ихтилатру бунни УИС-рал Ветерантурал жяматийсса организациялул председатель Апсалаттин Кахаевлул, цаймигу ветерантурал ва жяматийсса организациярттал вакилтурал.
Ихтилатру къуртал хьуну махъ хьхьичIунсса УИС-рал ва СМИ-дал зузалтран дуллунни ХIурматрал грамотартту ва Барчаллагьрал чагъарду.
Хъирив цинявннал тIутIив дирхьунни къуллугърал буржру бартбигьлай жанну дуллусса зузалтрал гьайкалданучIа.
Укунмасса пишалул байрандалуцIун бавхIусса шадлугърал мажлисру хьунни республикалул УИС-рал цинярдагу идарарттай.
Дагъусттаннал ФСИН-лул управлениялул пресс-служба
ХIадур бувссар
Андриана Аьбдуллаевал
