ЧIава каратист

ЧIава каратист

Къяннал шяраватусса Ислам Мазаевлун 15 шинни, дуклай ур 7-мур классраву. Хъинну чIивину унава каратэ нахIу ларчIун, му журалул спортрахун агьну, ччянияцIава хьхьичIунсса кIанттурду бугьлай уссар.

2017 шинал 45 килограммрал кIушиву дусса Ислам, хьхьичIунсса кIантту бувгьуну, МахIачкъалаллал чемпион хьу­ссия. Ислам ххув хьуссия хIатта 64-65 килорал кIушиву дусса, хIасил, 20 килорал цаярва загълунминнаяргу.

Мукунма Ислам Мазаевлул контактрал каратэлий 2-мур кIану бувгьуссар ва лавсъссар Домбайрал кубок . Утти, 2018 шинал мартрай, Минводрай хьусса контактрал каратэлийгу ванал бувгьунни цалчинмур кIану ва лавсунни ххувшаврил кубок.
Исламлун хъинну ххирар цала тренер, Хъусращатусса Хизри РахIимов. Хизри лайкь хьуну ур каратэлул лухIи мухIулттун.

Цувагу зий ур «Каратэ-ояма» тIисса клубраву. Ванан ххирар цала даву ва ххирар итххявхсса, каратэ ххирасса оьрчIругу.
ЦIаххуйхъал Казбек

Читайте также: