Сентябрь зурул 22-нний Аьрасатнал президент хьунаавкьунни къучагъшиврий жан дуллусса полициялул лейтенант МахIаммад НурбахIандовлул нитти-буттащал. Хьунабакьаврий гьуртту хьунни Дагъусттаннал БакIчи Рамазан АьбдуллатIиповгу. Владимир Путиннул Кремлилуву хъунмасса хIурматрай, лахъа-хъунну буллунни Виричунал цIуку НурбахIандовлул нитти-буттахьхьун.
[tube]https://www.youtube.com/watch?v=Z7t_JjJdGWI[/tube] В Дагестане стартовал месячник по противодействию терроризму и экстремизму «Дагестанцы против терроризма – Родина дороже».
ДР-лул БувчIавурттал комиссиялул дунни АьФ-лул ФС-лул ПаччахIлугърал Думалувунсса депутатътурал бувчIавурттал хIасиллу. ЧIурду булаврил хIасиллайн бувну, Ухссавнил 10-мур ца мандатрайнусса бувчIавурттал округрай чIурду буллуну бур 89,45 процент агьалинал. Тикку Оьмахан Оьмахановлул лавсун бур чIявуми чIурду (67,5%) циняв кандидатътуравату.
Сентябрьданул 20-нний Дагъусттаннал БакIчи Рамазан АьбдуллатIипов Москавлив хьунаавкьунни «Газпром» ПАО-рал правлениялул председатель Алексей Миллердущал.
Сентябрьданул 15-нний МахIачкъалалив Дагъусттаннал паччахIлугърал филармониялул гъинтнилмур майданнив миллатирттал цашиврул кьинилул байрандалун хасъсса шадлугъ хьунни. Шиккун бувкIун бия биялсса агьали ва республикалул шагьрурдал, районнал каялувчитал, Тамашачитуравух мукуна ия республикалул БакIчи Рамазан АьбдуллатIипов.
Дагъусттаннал Миллатирттал Цашиврул кьинилун хасъсса шадлугърал батIаву хьунни МахIачкъалаллал «Ак-Гель» паркравусса оьрус учительницал гьайкалданучIасса майданнивгу.
Ва нюжмардий Каспийскалийсса Аьдатирттал культуралул центрданий Дагъусттаннал Цашиврул кьинилун хасъсса батIаву хьунни.
Вай махъсса гьантрай гьарица инсаннал зума-ккарччулусса, Аьрасатнал телевидениялул цинярдагу каналлая бусласисса хавар бия Дагъусттаннал полицейский МахIаммад НурбахIандовлул къучагъшивриясса хавар.
Сентябрьданул 13-нний Поэзиялул театрдануву «Ккалайру лахъну» тIисса проектрал хахливусса кIилчинсса шадлугъ хьунни. Цалчинсса укунсса журалул шадлугъ хьуну диркIссар майрай, оьруснал чичрулул ва Культуралул кьинилул хьунийн.
ОьрчIру бусса кулпатирттах хIукуматрал муданнагу аякьа диркIссар ва уттигу дуссар. Гьай-гьай, хIукуматрал конституциялий социал хIукумат душиврия бувсунгу бухьувкун, му кIанттух гьарта-гьарзасса ябитаву дурнугу ччан бикIай.
